Talle boikot Namibië se grondkonferensie

Namibië se president, dr. Hage Geingob. Foto: Wikipedia

Namibië se amptelike opposisie en nog belangegroepe het amptelik onttrek aan die tweede grondkonferensie, wat Maandag in die hoofstad, Windhoek, begin.

Die radiostasie Kanaal Sewe berig die Popular Democratic Movement (PDM) en die Regstellende Herposisioneringsbeweging (AR) het hulle onttrek nadat die Beweging vir Grondlose Mense Woensdag bekendgemaak het dat hy ʼn uitnodiging na die konferensie van die hand gewys het.

Die PDM sowel as die AR voer aan dat die tyd wat by die konferensie aan hulle toegeken is, te min is om sinvolle bydraes tot die gronddebat te lewer, volgens Kanaal Sewe.

Hulle sê ook hulle het bedenkinge oor die weiering van die ministerie van grondhervorming om ʼn lys van begunstigdes vir hervestiging uit te reik. Daarom sal die PDM en AR enige besluite verwerp wat geneem word.

Kanaal Sewe het Donderdag berig pres. Hage Geingob het gesê Namibië het die tweede nasionale grondkonferensie belê om gunstige toestande vir die bestryding van armoede te skep, terwyl vrede en stabiliteit gehandhaaf word.

Hy het tydens die 73ste sitting van die Verenigde Nasies se algemene vergadering in New York ʼn beroep op die land se ontwikkelingsvennote gedoen om die uitslag van die konferensie te steun, wat volgens hom waarskynlik Namibië se transformasieproses sal voltooi.

Volgens die radiostasie het Geingob gesê armoede in Namibië “het die afgelope 10 jaar met 11% afgeneem”. Maar hy het bygevoeg dis nie genoeg vir ʼn ontwikkelende land nie.

Namibië se klassifikasie as ʼn bogemiddelde-inkomste-land dra by tot die tempo waarteen die land armoede verlig, maar het amptelike bystand aan Namibië laat afneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
RM

Duitsland waar is jy?

Dries

Daar kom die witman in Namibie se moeilikheid

Snowball

En so begin die ellende vir hulle ook….

Oom Anton Van Vrekgesukkel

Van die bestaan van die Afrika , nog voor my Voor Vaders n Gedagte was…. Was en Is Afrika maar Net Anderste !!!

Die Werklikheid is dat niks en niemand dit sal verander nie !

Soms dink ek dat daar n helse vervloeking moet wees op Afrika…. of is die vervloeking op die mensdom…..

However, lets Agree that we Disagree on verious matters….

Oom Kalahari

Vaarwel Suidwes my geboorteland en ek kon darem vir 18jr ‘n deel van jou wees tot die tirs ingestap het. Duitswes sal altyd spesiaal bly en so sak die son oor Afrika.