Talle dood ná vuurwerk-ontploffing

Brandbestryders en reddingswerkers soek deur die puin. Foto; AP Photo/Eduardo Verdugo

Brandbestryders en reddingswerkers soek deur die puin. Foto; AP Photo/Eduardo Verdugo

Minstens 29 mense is dood en meer as 70 beseer ná ʼn ontploffing by ʼn mark in Mexiko waar vuurwerk verkoop word.

Volgens die goewerneur van dié land is 26 mense op die toneel dood en het drie mense later in hospitale aan hul beserings beswyk. Daar was glo soveel as 2 000 mense by die San Pablito-vuurwerkmark in Tultepec toe die ontploffing plaasgevind het. Die ontploffing het ook tot ʼn groot brand gelei.

Dit is die derde ontploffing by die mark sedert 2005. Volgens berigte is huise naby die mark ook beskadig en is ʼn gebou naby die mark ontruim.

Die ontploffing het glo in een van die stalletjies plaasgevind voordat die brand vinnig na die ander stalletjies versprei het. Daar is meer as 300 stalletjies by die mark.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Elsabe

Ek wens al hierdie vuurwerke winkels wil afbrand. Die arme diere!!!!!!!!!!

charmaine

Ek stem saam Elsabe. En dis nou al die 3de keer wat so iets die mark tref, leed die mense nie hulle les nie? GELDGIERIGHEID!

Tinus

Sver ek weet is Mexico ‘n staat op sy eie en nie ‘n deelstaat van die VSA nie.

Chris Ws

Ek wens hulle wil die invoer van vuurwerke vir die publiek heeltemal staak en dit heeltemal onwettig maak om “crackers” by jou huis te skiet!Dis erg irreterent om nie van die gevaar te praat nie.

Trudie

My hond is doodbang vir weerlig agv vuurwerke. Geen pilletjies help nie.