Die Xinhua-nuusagentskap berig dat 25 van die oorledenes vroue tussen die ouderdomme van 16 en 36 is. Dertien mense het ernstige beserings opgedoen.
Die ongeluk het 25 minute voor middernag in Chen-Yi-plein plaasgevind. Volgens ooggetuies het mense mekaar vertrap om by koepons, wat soos dollar-note gelyk het, uit te kom. Dié koepons is glo uit nagklubs se vensters gegooi.
President Xi Jinping het beveel dat daar onmiddellik ʼn ondersoek gedoen word na die oorsaak van die stormloop.