Terreurgroep teiken Nigerië; groep weer aanval glo af

Vlag van Nigerië

Die Nigeriese weermag het Dinsdag gesê hy kon daarin slaag om ʼn terreuraanval, na bewering deur die Islamitiese terreurgroep Boko Haram, op die stad Maiduguri af te weer.

Volgens owerhede is daar glo vrede in die stad, maar die weermag is op hoëgereedheidsgrondslag geplaas vir moontlike aanvalle van Jihadiste – veral oor die Kersvakansie en die Moslemse vakansiedae.

Volgens berigte het inwoners van Maiduguri na die buitewyke van die stad gevlug toe skote oral in die stad begin klap het.

Maiduguri is al vir ʼn geruime tyd die middelpunt van Boko Haram-aanvalle en verskeie kerke en moskees is al in die verlede geteiken.

Niemand het nog tot op hede verantwoordelikheid aanvaar vir die aanval nie. Geen beserings of sterftes is aangemeld nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Luke ·

N groep val n groep aan en word deur n groep af geweer wat deur n groep op gereedheid geplaas was deur n groep. Klink soos n groeps poging.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.