Tienduisende betoog teen verpligte inenting in Oostenryk

Skermgreep uit die video

Volgens die polisie het sowat 44 000 mense Saterdag in Wene in Oostenryk betoog teen verpligte Covid-19-inentings en inperkingsbevele vir diegene wat nog nie ingeënt is nie.

Dit is die jongste in ʼn rits naweekbetogings sedert Oostenryk verlede maand die eerste EU-land geword het om te sê hy gaan inentings verpligtend maak.

ʼn Gedeeltelike inperking sedert verlede maand kom Sondag tot ʼn einde vir diegene wat ingeënt is, maar diegene wat nog nie die vereiste dosisse ontvang het nie, sal by die huis moet bly.

“Sê nee vir entstof-fascisme,” lui een betoger se plakkaat. “Ek is nie ʼn neo-Nazi of ʼn boef nie,” sê ʼn ander. “Ek baklei vir vryheid en teen die entstof.”

Inentings sal vanaf Februarie verpligtend wees vir alle inwoners ouer as 14, buiten in die geval van ʼn kwytskelding vir gesondheidsredes. Niemand sal onder dwang ingeënt word nie, het die regering gesê, maar diegene wat nie ingeënt wil word nie, sal aanvanklik ʼn boete van €600 (meer as R10 000) moet betaal, wat dan kan toeneem tot €3 600 (sowat R65 000) indien die boete nie vereffen word nie.

Manuela (47) sê sy het van ver af gereis om aan die betoging deel te neem. “Hoekom moet diegene wat nie ingeënt is nie – veral kinders – uitgesluit word?” sê die werkende ma. Sy is ingeënt, maar sy wou nie haar van gee nie. “Dit is ongelooflike diskriminasie om nie jou kind na sy of haar dansklas of tennisklas of swemklas te kan stuur nie.”

Analea (44), ʼn viool-afrigter wat ook nie haar van wou gee nie, sê “hierdie is nie die rigting wat demokrasie moet inslaan nie”. “Ons kan verskillende menings en waardes hê, maar ons moet steeds vrylik kan saamleef.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Madeleine

Amen!!

Charles

Sterkte aan die “enstof” vry mense oral op aarde.

Samuel

Ek kan sien hierdie entstof-fascisme is op pad in SA.

Quito

So lyk ‘n betoging in ‘n 1ste wêreldland.
Hoe dink ons gaan dit in SA lyk?
Vredevol? Ek twyfel.

Marius

Dit is niks anders as onderdrukking en die onteiening van mense regte nie.