Ashik Gavai het nou 28 tande oor
‘n 17-jarige tiener van Indië wat mediese hulp in Mumbai gaan soek het vir ‘n erge swelling in sy kaak, is ná ‘n operasie 232 “surplustande” kwyt. Dit is ‘n wêreldrekord.
In werklikheid is dit nie regte tande nie, maar tandagtige vergroeisels.
Dokters in Ashik Gavai se tuisdorp het geen raad gehad vir die swelling in sy kaak nie. Die dokters in Mumbai het ‘n seldsame toestand by hom gediagnoseer waar tande in die tandvleis gevorm word. Dit staan as complex odontoma bekend. Dit word met ‘n goedgeaarde gewas vergelyk.
Ná ‘n operasie wat sewe uur geduur het, het Gavai nou 28 tande oor.
Bronne: Mail Online, De Standaard
Dis nou wat mens noem ‘n mond vol tande…
Jitte! Ek wonder of dit weer sal groei.
“Knersis”