Tienjarige skenk geboorte ná sy kla oor maagpyn

Argieffoto

Argieffoto

ʼn Tienjarige meisie van Brasilië het geboorte geskenk, ure nadat sy by die skool oor maagpyn gekla het.

Die Daily Mail berig onderwysers by die skool het die meisie hospitaal toe geneem waar daar bevind is sy is sewe maande swanger en in kraam. Die meisie het normaal geboorte geskenk en sy en die baba sterk in die hospitaal aan.

Die meisie en haar gesin voer aan dat hulle geen idee gehad het sy was swanger nie. Die meisie het intussen aan haar ma gesê sy is seksueel mishandel deur haar voormalige stiefpa. Die ma het ʼn saak by die polisie aanhangig gemaak en ʼn 40-jarige man is in hegtenis geneem. Hy het glo erken dat hy die dade gepleeg het.

Die meisie het aan polisiebeamptes gesê dat haar voormalige stiefpa gedreig het om haar ma en broer te vermoor indien sy ooit iemand van die seksuele misbruik sou vertel. Die man word aangekla van verkragting en die onwettige besit van ʼn vuurwapen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Vickie

Dit gaan my verstand te bowe dat ‘n pa, stief of nie, sulke dade met dogters pleeg. Ek het absoluut geen respek vir sulke onmenslike gedrag en gewoontes nie. Nie eens die diereryk toon sulke afwykings nie.

Winston

Meer as siek. Soos beskryf. Klink ook soos Azumië.

Arnel

Ek kry net daai arme kind vreeslik jammer

Heidi

Hoe kon die ma nie sien dat die kind swanger is nie! ‘N kind van 10 jaar is mos nog klein! Shame ek kry die kind jammer ! Dis n siek,siek mensdom!!!

Frans

Tragies! Maar is dit regtig nuuswaardig?