Tornado’s in VSA: Dodetal styg steeds; nóg waarskuwings uitgereik

tornado arkansasMinstens 24 mense het omgekom in die tornado’s wat die afgelope naweek oor verskeie deelstate in die VSA getrek het.

Enorme skade is aangerig, en beeldmateriaal van verwoeste huise en motors word die wêreld ingestuur. Maandag het altesaam 12 verwoestende tornado’s oor die staat Mississippi getrek.

Van die state wat Maandag die ergste deurgeloop het is Mississippi, Alabama, Tennessee en Louisiana. Waarskuwings is ook vir Georgia en Alabama uitgereik, terwyl Oklahoma en Arkansas Sondag deurgeloop het en minstens twaalf slagoffers geëis het.

Die tornado’s word veroorsaak deur ‘n sogenaamde stormfront wat nou al dae lank oor die VSA beweeg.

Meer kan hier gelees word.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae