Trump kap terug na Meryl Streep

2016 Election Trump

Donald Trump Foto: AP Photo/John Locher

Amerika se verkose president Donald Trump het Maandag teruggekap na die aktrise Meryl Streep nadat sy hom tydens die 74ste Golden Globe-toekennings in ʼn toespraak bygekom het.

Streep is vereer met die Cecil B DeMille-prys vir haar lewenslange bydrae tot die bedryf en het in haar toespraak passievol gepraat oor Hollywood, buitelanders en die media.

Sy het sonder om hom by die naam te noem ook Trump as die verkose president aangespreek. Streep het gesê hoewel talle akteurs vanjaar daarin kon slaag om uitstekende rolle te vertolk, is daar een “vertolking” wat haar tot stilstand geruk het: dié van Trump.

“Daar was ʼn oomblik waartydens die persoon wat in die belangrikste stoel in hierdie land sit ʼn gestremde verslaggewer nageaap het. Dit het my hart gebreek en ek kan dit steeds nie uit my kop kry nie, want dit was nie ʼn fliek nie, dit was realiteit.” Streep het verwys na Trump wat die verslaggewer Serge Kovaleski, ʼn man met ʼn siekte wat sy gewrigte aantas, glo nageboots het.

Trump het egter later op Twitter teruggekap. Hy het gesê daar word ʼn te groot ophef oor Streep gemaak en dat sy hom gekritiseer het sonder dat sy hom eens persoonlik ken. Hy het ook teruggekap na die bewerings rakende Kovaleski:

“Gebrek aan respek lei tot disrespek. Geweld blaas geweld aan. Wanneer iemand in ʼn hoë posisie dit gebruik om te boelie, het ons die stryd verloor,” het Streep in haar toespraak gesê. Die media speel ʼn belangrike rol om dié gedrag hok te slaan, het sy bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Dion Els

Streep moet haar maar net eers by die maak van flieks bepaal.

piet

Ek het so al my respek vir haar verloor. Dit was nie die tyd en plek om so iets kwyt te raak nie. Dit is dan bevestig dat sy n esel is.

Fanie

Trump sal moet leer dat Arende nie vlieë vang nie. ‘n Mens is net so groot soos die gevegte wat jy veg. Jy skiet nie ‘n vlieg met ‘n kanon nie. President Trump moet nou presidensieël optree, en nie in moddergevegte betrokke raak nie. Die wêreld wag op sy leiding.

ADK

Stem volkome saam, dit was nie die tyd en plek nie. Meryl jou Streep is getrek.

Koos

Ek is n Donald Trump aanhanger, n fantastiese leier. Viva Mr. Trump viva!!!. Skink vir hom n “Bells” asb!!!