Trump-man vas vir bedrog met Mexiko-muur

Steve Bannon praat na sy hofverskyning met die media. (Foto: AP Photo/Eduardo Munoz Alvarez)

Steve Bannon, pres. Donald Trump se voormalige strategiese en politieke hoofraadgewer, is vandeesweek in hegtenis geneem op aanklagte van bedrog wat verband hou met die veelbesproke muur wat Trump tussen Amerika en Mexiko wil bou. Hy pleit onskuldig.

Bannon (66) is nou die sesde voormalige lid van Trump se ondersteunende span wat deur strafregtelike klagte in die gesig gestaar word.

Bannon en drie medewerkers word daarvan beskuldig dat hulle derduisende skenkers uit geld bedrieg het deur middel van die veldtog “We Build the Wall”.

Die organiseerders van dié veldtog wat $25 miljoen (sowat R431 miljoen) ingesamel het om die suidelike grensmuur te finansier, het skenkers daarvan verseker dat alle geldskenkings vir die muurbouprojek wat Trump in 2016 gedurende sy presidensiële veldtog belowe het, bewillig sou word.

Dit blyk egter nou dat dit nié die geval was nie.

Bannon word daarvan beskuldig dat hy $1 miljoen (sowat R17 miljoen) van die skenkings in sy eie sak gesteek het. Bannon het glo Brian Kolfage, ʼn gewonde veteraan van die lugmag en stigter van die projek, met dié geld betaal en persoonlike uitgawes gedek.

Bannon is vandeesweek op ʼn luukse seiljag in Connecticut in hegtenis geneem waarna hy Donderdag in ʼn hof in Manhatten in New York onskuldig gepleit het op die aanklagte teen hom.

Hy is later op borgtog van $5 miljoen (sowat R86 miljoen) vrygelaat.

Trump het intussen gesê hoewel hy “baie sleg voel” oor Bannon se inhegtenisneming, was hy geensins betrokke by die “We Build the Wall”-veldtog nie.

Vyf ander voormalige personeellede van Trump het al met die gereg gebots. Dít sluit in Paul Manafort, voormalige veldtogvoorsitter, Roger Stone, die Republikeinse politieke konsultant, Michael Cohen, Trump se voormalige persoonlike prokureur, Rick Gates, die voormalige adjunkveldtogbestuurder, en Michael Flynn, voormalige nasionale veiligheidsraadgewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Human

Een vir een word hulle uitgevang seker weer die Amerikaanse nuusmedia en die Demokrate se skuld, dat hulle so lieg en bedrieg, nou word daar net gewag vir Don Tantrum Trump se beurt, die afgod, met die voete van klei.

stargazer

Men’s Kan nie glo hoe die media Almal teen Trump is nie. Dit is skandelik. Geen eerlike nuus. Julle anti Trump Sal maar moet kop are skiet wanneer hy weer gekies gaan word. Geniet dit

Human

Trump is ook een van die dae ‘n ” stargazer”, as hy by sy tronksel se venster uitstaar, om te sien of dit dag of nág is.

Jacobus

Die media probeer alewig ‘n skadu gooi oor enige ding ivm Trump. Wat uiters irriteerend is, is die samestelling van opskrifte. Wonder waarom bv nie “Ramaphosa vrou betrokke by Zimbabwe grensdraad”. Snaaks hoe ywerig “fact checking” oor Demokrate se doen en late gedoen word.
Sê maar net.

4ntj13

Ek kry al hoe meer die idee dat Trump uit die Withuis in die tronk kan stap. Hy het duidelik geweet dat sittende Amerikaanse presidente nie strafregtelik verhoor kan word nie. En sy pêlle het gedink hy kan hulle tee vervolging beskerm, of dan later van tronkstraf vryskeld. Tensy sy opvolger die raamwerk vir strafrektelike verantwoordbaarheid rondom die presidensie en goewerneurskappe drasties verbeter, gaan Amerika lank sukkel om van hierdie reputasie ontslae te raak wêreldwyd.