Trump-muur gaan voort

President Donald Trump. Foto: AP Photo/Evan Vucci

President Donald Trump. Foto: AP Photo/Evan Vucci

Planne vir die veelbesproke muur wat die Amerikaanse president, Donald Trump, tussen Amerika en Mexiko wil bou, gaan voort.

Trump het reeds met uitvoerende optrede begin oor immigrasie en met stappe om sy voorgestelde muur op die VSA/Mexiko-grens te bou. Hy sal na verwagting ook voorstelle hersien wat die vloei van vlugtelinge na die VSA sal beperk.

Hy sou na verwagting reeds Woensdag uitvoerende bevele hieroor onderteken. Van Trump se planne oor vlugtelinge is glo onder meer ʼn tydelike verbod op die toelating van vlugtelinge, sowel as mense van oorwegend Moslem-lande.

“Groot dag wat beplan word oor nasionale veiligheid. Ons sal die muur bou,” het Trump vroeër getwiet. Trump het tydens sy verkiesingsveldtog beloof om die VSA se immigrasiebeleid te verskerp, insluitend grensveiligheid en die beperking van vlugtelinge.

Trump het ook daarop aangedring dat Mexiko vir die muur betaal. Mexiko het egter ook reeds herhaaldelik gesê hulle sal nie vir die muur betaal nie. Trump het vroeër die maand gesê die muur sal aanvanklik betaal word deur middel van ʼn bestedingswetsontwerp, wat deur die kongres goedgekeur sal word en dat Mexiko dit later sal moet terugbetaal.

Trump vergader volgende week met die Mexikaanse president Enrique Pena Nieto by die Withuis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
Johanna Botha

Minste doen hy sy verkiesings beloftes gestand ….wat gebeur in SA …..NIKS !

HP

Ek weet nie eintlik hoekom die Demokrate en Liberaliste so groot bohaai oor die muur maak nie, enige land moet immers sy grense beheer en beskerm. Dit sal wel interessant wees om te sien of Trump dit tog regkry om die geld uit die Mexikane uit te kry.

Pieterdp

My opienie is as jou buurstaat se volk na jou land begin vlug dan is dit tyd om op te tree.
Dit is n tekin dat daai land hom self nie meer kan regeer nie.
Dan is dit so goed soos n toesteming van daai land se burgers dat daar n ingryping van sy buurstate state moet wees om weer die land se politiesie reg teruk dat die land hom self weer kan regeer en voor uit te gaan om na sy mense om te sien.

ada

Hoop hy is suksesvol. Werkskepping. Hy gaan seker vir Mexico se dit is deur hulle dat die muur gebou moes word omdat hulle nie hulle eie mense kan stop om oor die grens te kom nie. Goed genoeg rede dink ek.

Kobus

Toring van babel…