Trump sal Clinton nou klop – peiling

Donald-Trump

Donald Trump. Foto: Gage Skidmore/Commons.wikimedia.org

Die Republikeinse Party se waarskynlike presidentskandidaat, Donald Trump, sal die Demokrate se waarskynlike kandidaat, Hillary Clinton, klop as ʼn presidentsverkiesing nou sou plaasvind.

Volgens die jongste Rasmussenpeiling sal Trump nou 41% van die stemme trek en Clinton 39%. ʼn Week gelede sou elke kandidaat nog 38% gekry het.

Daar is egter ʼn belangrike verskil tussen die jongste en vorige peilings. Met die vorige peilings is die rol van kiesers, wat beplan om van die stembus weg te bly as Trump en Clinton die kandidate is, in berekening gebring. Trump word dus liggies deur die wegbly-protesstem bevoordeel.

Vroeg in Maart het Clinton nog met 41% teenoor 36% voorgeloop.

Die peilings toon steeds dit gaan dikwels nie oor hoeveel steun ʼn presidensiële kandidaat het nie, maar hoeveel teenkanting, ook in sy eie party. Beide Clinton en Trump het in hul partye ongehoorde sterk teenstand – in so ʼn mate dat sommiges selfs vir die kandidate van ander partye kan stem.

Volgens die jongste Rasmussenpeilings beoog bykans ʼn kwart van die Amerikaanse kiesers om op stemdag tuis te bly of vir die kandidaat van ʼn derde party te stem, as Clinton en Trump die twee groot partye se kandidate is.

In Maart het 49% van die kiesers aangedui hulle sal beslis teen Trump stem en 42% dat hulle teen Clinton sal stem.

Die syfers is vloeibaar soos die tyd aanstap, maar dit het verlede week gelyk asof meer Republikeine vir Clinton sal stem as Trump hul kandidaat is, as andersom, maar ook Clinton het met baie Demokratiese Party-kiesers te kampe wat haar as te toksies beskou om hul party se kandidaat te wees.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Ivan

Ai, ek wens ons het ook sulke kandidate gehad. Eishhh…………

John

Die Amerikaanse Jode het hom aanvanklik baie teesinnig gesteun omdat hy ‘n uitgesproke Christen is, maar hulle gaan later baie bly wees as hy verkies is. Ons lewe in ‘n gevaarlike tyd. Vrede in Jerusalem gaan binnekort onder druk kom. Ons besef nog nie watter gevolge chaos in Israel ook vir die res van die wereld kan inhou nie.

Ella

Twee honde baklei oor ‘n been….interessante tye!

chrisp

Volgens my is Clinton reeds die President sy is net soos Obama reeds lankal gepoets en reggemaak vir hulle onderskye rolletjies in die wereld.
Die kans dat Trump die Republikeinse kandidaat gaan wees is ook nie ‘n voldwonge feit nie.Dit sal my geensins verbaas as hy dit nie gaan wees nie.

Tweeparty “demokrasie” is in elk geval geen demokrasie nie. Die klug sal hom hier ook afspeel net soos in die meeste van die “demokratiese” wereld het syde ANC,DA of dalk ANC,EFF.

schalk

Behalwe vir daai kapsel, het ons ook so n kandidaat hier nodig.