Trump, sy vrou toets positief vir Covid-19

Pres. Donald Trump en sy vrou Melania. (Foto: AP Photo/Evan Vucci)

Pres. Donald Trump en sy vrou, Melania, het positief vir Covid-19 getoets.

Trump (74) het die nuus op Twitter bekend gemaak en gesê hy en die presidentsvrou sal onmiddellik met hul “kwarantyn- en herstelproses begin”.

Dit volg nadat die Trumps vroeër met selfisolasie begin het nadat een van die president se raadgewers positief vir die virus getoets het.

Volgens Trump het hy die afgelope week baie tyd saam met Hope Hicks, een van sy vertrouelinge met die langste dienstydperk, deurgebring. Hicks het matige simptome begin ervaar tydens ʼn vlug waarop hulle van ʼn verkiesingsbyeenkoms in Minnesota af teruggekeer het.

Hicks is van die ander passasiers geïsoleer en haar diagnose is Donderdag bevestig. Hicks, wat as raadgewer van die president dien, het hom en ander senior personeel ook Dinsdag na die eerste presidensiële debat in Cleveland vergesel. Sy was saam met hom op Marine One, die presidensiële helikopter, asook op Air Force One.

Dit is in dié stadium nie duidelik of al Trump se afsprake en verpligtinge vir die volgende paar weke al gekanselleer is en watter invloed dit op sy verkiesingsveldtog kan hê nie.

Amerika het meer as 7,2 miljoen Covid-19-gevalle en meer as 200 000 sterftes.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Kattebol

Hoop julle herstel volkome en gou.

Ja Wat

Gou gesond word Pres.Trump.

Jdb

Mag hulle vinnig volkome herstel.

Sage

Hulle is in ons gebede. Mag Jesus hulle toevou in Sy kosbare bloed.

A

Ek kry enige iemand jammer wat die virus kry. Veral hoë risiko mense wat oorgewig en oud is. Maar dit is moeilik om simpatie te hê as jy moedswillig was. Dit is dieselfde persoon: wat groot byeenkomste gereël het; teen maskers was; was teen toetse, want toetse bevestig positiewe gevalle; wat die gevaarlike HCQ medikasie bevorder het; wat voorgestel het mens kan met bleikmiddel behandel word; wat teen sy land se beste dokter gedraai het, want mense het meer respek vir Fauci gehad as vir hom. Dit, terwel hy Biden gekritiseer het dat hy n masker dra en klein byeenkomste… Lees meer »