Trump uitgelag oor uitlatings oor die maan en Mars

Amerikaanse president Donald Trump. (Foto: File Photo/IANS)

Die Amerikaanse president Donald Trump het sosialemediagebruikers verstom met sy kennis van die ruimte en is uitgelag toe hy aangevoer het die maan is deel van Mars.

Trump het Vrydag op Twitter gesê: “Vir al die geld wat ons spandeer, moet Nasa nie sê dat hulle maan toe wil gaan nie – ons het dit 50 jaar gelede gedoen. Hulle moet fokus op die groter dinge wat ons doen, insluitend Mars (waarvan die maan ʼn deel is), verdediging en wetenskap.”

Trump se uitlatings volg ʼn dag ná Nasa-administrateur Jim Bridenstine aan USA Today gesê het Amerikaanse ruimtevaarders sal nie teen 2024 na die maan kan terugkeer nie tensy die regering se versoek om die begroting met $1,6 miljard te vergroot, nie deur die Amerikaanse kongres goedgekeur word nie.

Ná Trump se plasing op Twitter het mense wêreldwyd hom uitgelag. “Trump se kennis oor die saak is een klein tree vir die mens, een groot sprong agtertoe vir die mensdom,” het Jeremy Newberger, ʼn Emmy-genomineerde filmvervaadiger, gesê.

Trump het vroeër in Mei erken dat hy Twitter as ʼn “tikmasjien” gebruik en hy is berug dat hy die platform gebruik vir omstrede uitlatings en oorlogsdreigemente.

Mars het twee mane – Phobos en Deimos – maar die maan, wat om die aarde wentel, is nie deel van die rooi planeet nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
John

Trump het heel moontlik verwys na Nasa se totale projek tov van die Maan en Mars en die beplande landings. Natuurlik kan enigeen hom verspreek maar nie Trump nie. Megan sè hom sleg en dan word sy woorde verdraai. Laat almal maar wag totdat Trump geskiedenis is, dan sal sy afwesigheid hare laat rys. Die fopnuus-veldtog teen die man gaan die wèreld duur te staan kom.

koos

Ek weet dat ons nie kan sê wat hy bedoel het nie, maar kon hy na ons sterrestelsel verwys het, waarvan die aarde ook deel is?

Liena

Ek stem 100 persent saam, ek het dit van meet af so verstaan. Dit is die res wat nie mooi kan lees nie en dan belaglike afleidings maak. Abraham Lincoln was ewe ongewild maar vandag word hy vereer.

Tobie Klarens

Dit lyk vir my of Maroela media ook by die breer fopnuus veldtog teen Trump ingeval. Glo julle werklik hierdie absolute snert? Wie is julle bron?

Hendrik ferreira

Hy verwys na die nasa program oor mars en verwys dan na die maan as deel van die program net n idioot sal lag ek verstaan presies wat hy sê.