Trump verlaat Withuis

(Foto: MANDEL NGAN / AFP)

Die uittredende Amerikaanse pres. Donald Trump het die Withuis in Washington DC verlaat.

Marine One, die amptelike presidensiële helikopter, het Trump en sy vrou, Melania, Woensdag vir oulaas op die suidelike grasperk van die Withuis opgelaai om hulle na die Andrews-lugmagbasis in die buitewyke van Washington DC te neem.

Die egpaar is van daar af met Air Force One, die amptelike presidensiële vliegtuig, na sy Mar-a-Lago-gholfklub in Florida gevlieg waar hulle ná Trump se tydperk in die Withuis sal woon.

(Foto: Pete Marovich – Pool/Getty Images/AFP)

“Dit was ’n ongelooflike vier jaar,” het Trump met sy vertrek by die Withuis gesê. Die uittredende president het later aan ondersteuners by die lugmagbasis gesê hy sal “in die een of ander vorm weer terugkeer”.

“Ek wens die volgende administrasie baie geluk en groot sukses toe.”

’n Woordvoerder van die Withuis het intussen gesê Trump het ’n brief vir sy opvolger, Joe Biden, agtergelaat.

Biden word omstreeks 19:00 (Suid-Afrikaanse tyd) as die 46ste president van Amerika beëdig.

Trump is die eerste president in meer as anderhalf eeu om die inhuldiging van sy opvolger mis te loop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Jaco

Hy gaan 1 jaar weg wees, dan is Amerika in ‘n GROOT gemors met miljoene onwettige immigrante, human rights en “defunding the police”. Dan sal selfs sy grootste vyande wens hy is terug.

Piet

Waar’s sy masker?

Michael

Na hy met 7milj stemme verloor het, hordes hofsake verloor en geen bewyse van massa stem bedrog tree die man nogsteeds soos n stout kind en slegte verloorder op. Hy is skaamteloos. Hy het n paar goeie idees gehad, maar alles is ongedaan gemaak deur sy optrede van die laaste maand of twee.

Natasha67

‘n Mens kan ‘n redenasie hê oor sy persoonlikheid, maar Trump was ‘n puik president. Hy het hom nie laat afpers deur die Liberales nie. Ek sien ‘n donker tyd wat voorlê met Biden wat kognitief nié op standaard is nie, en ‘n vise-president wat sosialisties is.

Kenny

Uiteindelik