Trump wil hoogste hof toe oor stemtellery  

Pres. Donald Trump. Foto: REUTERS/Carlos Barria

Pres. Donald Trump wil hom op die VSA se hoogste hof beroep om die stemtellery van Dinsdag se presidentsverkiesing te betwis.

“Hulle het geweet hulle kan nie wen nie, toe sê hulle kom ons gaan hof toe,” het Trump tydens ʼn regstreekse uitsending van die Withuis in Washington DC gesê. “Dit is bedrog en ʼn verleentheid vir ons land.”

Volgens Trump het hy die verkiesing gewen en is sy doel nou om die integriteit van die verkiesing te verseker. “Ons wil hê die reg moet behoorlik gebruik word. Ons sal toesien dat stembriewe nie teen 04:00 die oggend gevind en getel word nie. Dit is vir my ʼn baie hartseer oomblik.”

Trump het ook gesê ʼn “baie hartseer groep mense” probeer miljoene van sy ondersteuners wat vir hom gestem het, ontneem van hul reg om te stem.

Trump het al verskeie kere gesê dat die toename in posstemme die verkiesing oopstel vir bedrog en ander probleme.

Daar moet vanjaar meer stemme getel word as in die verlede omdat mense vroeg per pos en in persoon gestem het weens die koronavirus-pandemie.

Trump het in Florida, Ohio en Texas gewen en sodoende sy opponent, Joe Biden, se hoop vir ʼn beslissende vroeë oorwinning in die wiele gery.

Biden is egter steeds vol vertroue dat hy die verkiesing gaan wen. Hy hoop om Michigan, Wisconsin en Pennsilvanië te wen.

“Ons voel goed oor waar ons is,” het Biden in ʼn toespraak in Delaware gesê. “Ons glo dat ons op pad is om hierdie verkiesing te wen.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Fedup

You better go to court muppet. biden CANNOT become president.
It’s unthinkable.
biden already went to bed with china
Be very careful.

Mariana

Hoop regtig Trump wen.

Werner

Liberales hou net van reels solank dit hulle pas dan breek hulle dit.Skrik ook nie om n land in anargie te laat verval en alles af te breek soos BLM en EFF en die ANC nie.Wys hulle wie is baas Trump

Hoekom

Liberale hou ook net van demokrasie en stem reg as dit waarvoor hulle stem wen. Verder lieg en bedrieg hulle maar verder.

Ja Wat

Sleepy Joe jy gaan dit weer nie maak .