Tsoenami-waarskuwing ná aardbewing

ʼn Tsoenami-waarskuwing is uitgereik nadat ʼn sterk aardbewing naby die Solomon-eilande voorgekom het.

Die aardbewing wat 7,5 gemeet het, het sowat 83 km van Lata op ʼn diepte van 12 km voorgekom. ʼn Tsoenami-waarskuwing is vir die kusgebiede naby die Solomon-eilande in die suide van die Stille Oseaan uitgereik. Die waarskuwing is vir ʼn 300 km-radius van die episentrum af.

Daar was nog geen berigte van beserings of skade nie. Die Solomon-eilande is in 2013 deur ʼn tsoenami getref ná ʼn aardbewing wat 8 gemeet het. Minstens 10 mense is dood en duisende mense was haweloos nadat talle huise en geboue vernietig is.