Twee tereggestel ondanks pleidooie van menseregtegroepe

Argieffoto

Bahrein het twee mense tereggestel wat in ʼn terreursaak skuldig bevind is, ondanks internasionale versoeke vir genade te midde van kommer dat die mans nie ʼn regverdige verhoor gehad het nie en deur marteling gedwing is om bekentenisse af te lê.

The Guardian berig Ali Mohamed Hakeem al-Arab en Ahmed Isa Ahmed Isa al-Malali is in Januarie verlede jaar skuldig bevind tydens ʼn massaverhoor waarby 60 mense betrokke was. Albei het alle moontlike wetlike roetes gevolg in ʼn poging om hul skuldigbevinding om te keer.

Lynn Maalouf, navorsingsdirekteur van Amnestie Internasionaal in die Midde-Ooste, het gesê die teregstellings was “’n skandelike miskenning van menseregte”. Volgens Al Jazeera is die mans deur ʼn vuurpeloton tereggestel.

Die teregstellings het gekom net ure nadat die Verenigde Nasies ʼn beroep op Bahrein se regering gedoen het om nie die teregstellings deur te voer nie. Verskeie menseregtegroepe het probeer om die regering te oortuig om nie met die teregstellings voort te gaan nie.

Maryam Alkhawaja, ʼn menseregteaktivis, het aan Al Jazeera gesê sy dink dit is geensins toeval nie dat die teregstellings gebeur het in dieselfde tyd wat die VSA opdrag gegee het dat teregstellings in dié land voortgesit word.

Die kollig is vroeër vandeesweek opnuut op die menslikheid van die doodstraf laat val nadat die federale Amerikaanse regering Donderdag besluit het om vir die eerste keer sedert 2003 weer gevangenes wat die doodstraf opgelê is, tereg te stel. Dit bring ʼn einde aan ‘n informele moratorium op die doodstraf wat die afgelope paar grootliks onaangeraak is.

Prokureur-generaal William Barr het die Buro van Gevangenisse opdrag gegee om teregstellings te skeduleer wat in Desember sal hervat met vyf mans wat almal skuldig bevind is aan moorde op kinders. Hoewel die doodstraf steeds wettig is in 30 state, word teregstellings op federale vlak selde uitgevoer.

Amerikaanse president Donald Trump. (Foto: File Photo/IANS)

In Texas is 108 misdadigers sedert 2010 tereggestel, meer as in enige ander staat. Hoewel geen misdadigers sedert 2003 federaal tereggestel is nie, het federale howe voortgegaan om beskuldigdes die doodstraf op te lê.

“Die departement van justisie handhaaf die oppergesag van die gereg – en ons is dit aan die slagoffers en hul families verskuldig om die vonnis wat deur ons regsstelsel opgelê is, uit te voer,” het Barr gesê.

Barr het ʼn nuwe prosedure vir dodelike inspuitings goedgekeur wat die vorige drie-bestanddeel mengsel wat voorheen gebruik is, vervang met ʼn enkele middel, pentobarbitaal. Dit is soortgelyk aan ʼn prosedure wat in sommige state gebruik word, insluitend Georgia, Missouri en Texas.

Die kwessie is die jongste van heelwat gevegte oor omstrede onderwerpe wat pres. Donald Trump reeds voer oor kwessies soos aborsie en immigrasie in aanloop tot die 2020 verkiesing.

Die meeste Demokrate is gekant teen die doodstraf. Adjunkpresident Joe Biden het vandeesweek ʼn oproep gedoen vir die opheffing van die federale doodstraf nadat hy dit jare lank gesteun het.

In teenstelling hiermee het Trump al gereeld oor die doodstraf gepraat en sy siening is dat teregstellings dien as ʼn doeltreffende afskrikmiddel en gepaste straf vir sommige misdade, insluitend massa-skietvoorvalle en die moord op polisiebeamptes.

Hy het ook al herhaaldelik gesê dat die VSA beter daaraan toe sal wees om strenger dwelmwette aan te neem soos dié wat deur pres. Rodrigo Duterte van die Filippyne aangeneem is, waaronder duisende dwelmbeskuldigdes deur die polisie doodgemaak is.

Trump was al selfs voor sy presidentskap uitgesproke oor sy steun vir die doodstraf. In 1989 het hy volbladadvertensies in New York-koerante uitgeneem waarin hy owerhede aangemoedig het om die doodstraf terug te bring nadat ʼn drawwer in Central Park verkrag is. “As die straf swaar is, sal die aanvalle op onskuldige mense stop,” het hy destyds geskryf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Valerie

Goed so. Elke grapjas “Mense Regte groep” verstaan nie dat die menslikheid van die doodstraf nie opgeweeg kan word teen die afskuwelike moord van ander nie. Wat verwag die klomp “menseregte” groepe? ‘n Verskoning dat moordenaars moord gepleeg het en eintlik in hotelle te bly todat berge in die see wegsak? Se voet.

Joe Olivier

Menseregte. Die grootste vloek van ons tyd. Die wat verkeerd doen se “regte” weeg baie maal meer as die ander een sin. Vir een persoon om “regte” te hê, moet n ander een sy regte opoffer. Eintlik het ons as mens geen regte nie, net voorregte.

M

Ek stem volkome saam met Joe en Valerie. Hang hulle …

sweis

Ek stem saam almal wat skuldig is aan terreur aanvalle moet doodstraf kry punt.

Sarie

As alle moordenaars en verkragters (as die Polisie hulle kan vang!) gehang word, sal ons tronke genoeg plek he vir ander misdadigers en vir hulle moet dit n tronk wees en nie n hotel nie.