Tweede massaskietery in VSA binne 24 uur

Bewyse van die dodelike skietery wat enkele ure tevore naby die kuierplek afgespeel het. (Foto: Dan Sewell/Twitter)

ʼn Tweede dodelike massaskietery het hom binne 24 uur in die VSA afgespeel.

Nege mense is Sondag in die vroeë oggendure dood toe ʼn aanvaller in die stad Dayton, in Ohio, losgebrand het. Minstens 27 ander is beseer. Verskeie van hulle is reeds uit die hospitaal ontslaan.

Die meeste mense is vir skietwonde behandel, maar ander is vir onder meer snye behandel wat hulle opgedoen het terwyl hulle van die toneel probeer vlug het.

“Die aanvaller is dood,” het die Dayton-polisie getwiet.

“Ons het beamptes in die nabye omgewing gehad en kon vinnig reageer en dit beëindig.”

Die burgemeester van Dayton, Nan Whaley, het polisielede geprys wat binne ʼn minuut op die aanval gereageer het, het CNN berig.

In dié minuut is die slagoffers doodgeskiet en die talle ander gewond.

Die aanvaller het ʼn koeëlvaste baadjie gedra en ekstra magasyne vir sy hoëkapasiteitvuurwapen by hom gehad.

Volgens CNN het die skietery het buite die Ned Peppers-kroeg in die Oregon-distrik gebeur. Dit is ʼn besige buurt met talle restaurante, nagklubs en kuierplekke waarheen duisende mense oor naweke stroom.

Die aanval in Dayton kom net ure ná die dodelike aanval in El Paso in Texas, waar 20 mense doodgeskiet en 26 ander gewond is.

ʼn 21-jarige aanvaller is reeds in verband met dié aanval in hegtenis geneem.

Die FBI was ook op die toneel om die skietery te ondersoek.

Pres. Donald Trump het intussen ook sy medelye met die inwoners van Dayton betuig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
hendrik

Nou-ja, wat het ons hier. n Herhaling van ons jare ’60 en 70″s maar hierdie keer in die magtige VSA.

chrisjan

Die wettigheid vir die aankoop van enige aanvals geweer in Amerika deur die publiek is ‘n groot probleem daar.Hierdie moordenaar het met ‘n .223 soortgelyk aan ‘n R4 losgebrand.Sy magasyn hou 30 koeels so hy kan groot skade aanrig in ‘n baie kort tydjie.

Cherokee

Die absolute standaard is dat moslems dit doen. Hier is steeds geen aanduiding nie.

SM

Tyd vir gun control? Horrible! en die skieters is so jonk… en haal onskuldige mense uit.

Johanna Botha

En in sa is 57 mense vermoor elke dag …en dit is niks ?