Die dieretuinwerker wat in sy hospitaalbed finaal totsiens gaan sê het aan die diere wat hy versorg het, is oorlede.
Mario Eijs (54) het by die Diergaarde Blijdorp-dieretuin in Rotterdam, Nederland gewerk waar hy onder meer daarvoor verantwoordelik was om die kameelperde se kamp skoon te maak. Hy is met breinkanker gediagnoseer en sy laaste wens was om die diere te groet wat hy versorg het.
Die berig oor een van die kameelperde wat na Mario se bed gestap en met ʼn soengroet afskeid geneem het, het opslae gemaak op die internet.
J.A.A van Dam het die video op YouTube gelaai en oor die naweek bekend gemaak dat Mario oorlede is.
http://youtu.be/FW5SRBfBjYQ
Jou laaste wens is vervul. Rus in Vrede Mario.