Video: Lawa verwoes huis op Hawaii

'n Skermskoot uit die video

‘n Skermskoot uit die video

Die lawa uit ʼn vulkaan op Hawaii wat sedert 27 Junie uit die Kilauea-vulkaan vloei, het die eerste huis bereik en in vlamme laat opgaan.

Die vulkaan is naby die plattelandse dorpie, Pāhoa, en die vordering wat die lawa teen die hange af maak, word fyn deur die Hawaise Vulkaanwaarnemerstasie gevolg. Vroeër is ’n stal ook reeds verwoes.

Volgens die owerhede is daar min hoop vir tientalle huise, maar almal en alles wat voet in die wind kan slaan word nie bedreig nie.

Die lawa beweeg teen sowat 5 tot 10 meter per uur, maar nie altyd oral en op die voorpunt nie. Van die lawa stol, en nuwe vloeistrome ontstaan elders.

Die vulkaan word as moontlik die mees aktiewe vulkaan ter wêreld beskou.

Bronne: De Standaard, USGS

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae