[Video] Nuwe speletjie op almal se lippe

Pokémon Go

Pokémon Go

Pokémon Go, ʼn realiteitspeletjie wat gebaseer is op die bekende Japannese karakters uit die 1990’s, het oornag ʼn sensasie geword.

Pokémon Go, deur Nintendo, is tans nog slegs amptelik beskikbaar in Australië, Nieu-Seeland en Amerika, maar is reeds op die punt om Twitter verby te steek wat daaglikse aktiewe gebruikers op Android betref. Die speletjie is reeds groter as die afspraakwebwerf, Tinder op Android.

Pokémon Go gebruik jou slimfoon se GPS en horlosie om te bepaal waar jy is en wanneer jy speel en laat die Pokémon rondom jou “verskyn” (slegs op jou slimfoon se skerm, nie in die werklikheid nie). Die doel van die speletjie is om dan dié karakters te “vang”. Soos jy rondbeweeg, sal meer en verskillende tipes Pokémon verskyn.

Die speletjie neem jou omgewing in ag. Wanneer jy byvoorbeeld in ʼn park is, sal jy waarskynlik meer gras- of insekagtige Pokémon sien. As jy naby ʼn meer of see is, sal jy watertipe Pokémon sien.

Volgens die ontwikkelaars is die idee om in die werklikheid rond te beweeg en soveel as moontlik Pokémon te vang.

Daar is ook Poké Balls en eiers wat uitbroei as ʼn Pokémon.

Pokémon Go is gratis, maklik om af te laai en maklik om te speel. Slegs die oorspronklike 151 kreature is in dié speletjie beskikbaar (die oorspronklike speletjie is tot 720 kreature uitgebrei).

Jy kan ook items op die app aankoop om jou te help om die Pokémon te lok en dit is hoe die ontwikkelaars geld maak uit die speletjie.

Dis nog nie duidelik wanneer die speletjie wêreldwyd of in Suid-Afrika beskikbaar gaan wees nie. Volgens die Wall Street Journal sal dit “binnekort” in Europa, Japan en ander Asiatiese lande beskikbaar wees.

Die ontwikkelaar, Niantic, moes onlangs ʼn wêreldwye vrystelling van die speletjie opskort weens hul webbedieners wat nie die verkeer kon dra nie.

Die insetsel is deur eNuus vervaardig. Kyk eNuus elke aand om 19:00 op kanaal 144 en 145 op DStv.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Lucy

Ons bly in Suid-Afrika en my man het klaar die speletjie oo sy foon.

Stem

Leeg lé id die duiwel se oorkussing!!!!!!!

Pastoor

Uiters gevaarlike demoniese spel. Pokémon is demone uitbeeldsel wat sekere kragte het. Baie gevaarlik kinders droom oor hierdie uiter gevaarlike spel. Efs 6 sê ons worstel stryd is nie teen vlees en bloed nie ,,,,,hou dit weg buite bereik van kinders, google dit maar asb vermy dit

Pastoor

Maak vir jou geen gesnede beeld van wat op die aarde of onder die water of wat onder aarde onder water is nie. Speel pokeman dit leer die kind van kragte groter as syne en ander pokemanne wen hierdie en daardie een

Pieter

Stem saam met Pastoor. Waar n rokie is, is n vuurtjie. Google en kyk…” is Pokemon’s satanic”. Daar is 16 videos van n man wat van Satanis tot bekering gekom het ( Stephen Dollins), julle oë sal oopgaan en julle sal julle kinders so ver van die goed af hou as moontlik. As jou kind op n “ride” by die pretpark wil ry, en jy weet daar is gerugte dat die ding vreeslik onveilig is en dat hy kan sterf, sal jy hom nog laat ry? Hoeveel te meer nie jou kind keer om met verkeerde dinge wat sy ewigheid… Lees meer »