Video: Polisie skiet tienermeisie in VSA dood

Ma’khia Bryant (16) is Dinsdag in Ohio in die VSA deur ’n polisiebeampte doodgesiet. (Foto: Twitter)

Die 16-jarige Ma’Khia Bryant is Dinsdag in Ohio in die VSA deur ’n polisiebeampte doodgeskiet toe sy probeer het om ’n ander meisie met ’n mes te steek.

Die skietvoorval het plaasgevind kort voordat die voormalige polisiebeampte Derek Chauvin van Minneapolis aan die moord van George Floyd skuldig bevind is.

Beeldmateriaal van die voorval is intussen deur die polisie bekendgestel.

“Dit was vir ons belangrik om dit met die gemeenskap te deel, sodat daar deursigtigheid oor die voorval is en daar solank antwoorde op mense se vrae kan wees,” het Michael Woods, polisiehoof in Columbus, gesê.

Volgens Woods het polisiebeamptes om ongeveer 16:30 op ’n 911-noodoproep gereageer van iemand wat aangedui het dat hulle ’n mesaanval vrees.

In die video kan gesien word hoe die polisie by die toneel aankom en daar ’n onderonsie plaasvind terwyl enkele mense staan en toekyk. Een tienermeisie poog dan om ’n ander een met wat lyk soos ’n mes te steek. Dis op dié oomblik dat skote klap en Bryant op die grond neerval.

Later kan gesien word hoe die polisiebeampte die mes eenkant toe gooi.

Bryant se dood kom te midde van toenemende woede oor rasse-onregverdigheid en polisiebrutaliteit in die VSA. Betogings het sedertdien in Columbus vlamgevat.

“Dis ’n aaklige, hartverskeurende situasie,” het Andrew Ginther, burgemeester van Columbus, oor Bryant se dood gesê.

Hy het ook gesê dit is ’n hartseer dag in dié stad en gevra dat inwoners vir haar familie moet bid.

Hy het bygevoeg dat die polisiebeampte, wie se naam nog nie bekendgemaak is nie, opgetree het om ’n ander tienermeisie in die gemeenskap te beskerm.

Bryant se Ma, Paula, het aan die plaaslike CBS-stasie gesê dat haar dogter ’n vreedsame, liefdevolle meisie was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Androclus

Ja wat ‘n mes is net so goed soos’n vuurwapen.as hy op die regte plek kom is dit net soos ‘n koeël,blus jou lewe.

Probeer verstaan

As sy mes by haar gehad het en iemand wou steek het hy die reg gehad om haar te stop deur haar te skiet hy het iemand se lewe gespaar.(Artikel 49 van die Strafproseswet 51 van 1977 : regverdiging van gebruik van geweld by inhegtenisneming )

Pieter

Ag Asseblief, liefdevol en vreedsaam. Glo baie min. Die polisie was in die situasie korrek. (Hulle moes n lewe in gevaar red).

Werner

Wel as hulle haar nie geskiet het nie was die ander meisie dood.So wie se lewe is die belangrikste die misdadiger of die slagoffer.Dit is nou nie SA waar die misdadiger se lewe meer werd is nie.

Willem

Dis absoluut verstommend. Volgens haar ma was sy “vredeliewend”, George Floyd was hoog op Fentanyl en het pas ‘n misdaad gepleeg voor sy dood maar hy word opgehemel asof hy ‘n heilige was! Hier by ons word ‘n borr met ‘n kierie aangerand maar mou sit die boere in die tronk!? Wonder enigeen waarom misdaad hoogty vier?