[Video] Talle sterf in ontploffing tydens konsert

Gewapende polisiebeamptes buite die Manchester Arena kort nadat ʼn ontploffing die arena geruk het waar Arianda Grande opgetree het (22 Mei 2017). Foto: Peter Byrne/PA via AP

Minstens 19 mense is dood tydens ʼn ontploffing Maandagaand by die Manchester Arena in Manchester in Engeland waar die Amerikaanse sangeres Ariana Grande opgetree het.

Die polisie het gesê die ontploffing het omstreeks 22:30 by die arena met plek vir 21 000 konsertgangers plaasgevind. Talle kinders was ook in die skare. Altesaam 59 mense is in die ontploffing beseer.

Kort ná die ontploffing was verskeie polisiebeamptes en nooddienste op die toneel en die gebied is afgesper. Theresa May, Brittanje se eerste minister, het gesê die polisie hanteer die voorval as ʼn “afskuwelike terreuraanval”.

Polisiebeamptes buite die Manchester Arena kort nadat ʼn ontploffing die arena geruk het waar Arianda Grande opgetree het (22 Mei 2017). Foto: Peter Byrne/PA via AP

Hoofkonstabel Ian Hopkins, polisiehoof in Manchester, het gesê die voorval word as ʼn terreuraanval beskou, maar daar is nog nie veel meer inligting beskikbaar nie. Hy het gesê die polisie werk op plaaslike en nasionale vlak saam, asook saam met die nasionale anti-terreurpolisie en Brittanje se intelligensiedienste.

Intussen het die Amerikaanse departement van binnelandse sake in ʼn verklaring gesê hy monitor die situasie by die Manchester Arena en sal sy volle samewerking aan sy Britse eweknieë gee in die ondersoek na die ontploffing.

Andy Burnham, burgemeester van Manchester, het Maandagaand op Twitter sy medelye uitgespreek teenoor die families van oorledenes. “My hart gaan uit na die families wat geliefdes verloor het en my bewondering aan ons dapper nooddienste. ʼn Aaklige nag vir ons wonderlike stad,” het hy getwiet.

Amber Rudd, Brittanje se minister van binnelandse sake, en Nicola Sturgeon, Skotse premier, het ook albei hul medelye teenoor die families van die slagoffers uitgespreek.

Ooggetuies van die voorval het vertel hoe mense ná die ontploffing huilend en skreeuend uit die arena gehardloop het. Die onderstaande video, wat ná die ontploffing geneem is, is een van talle wat op sosiale media gedeel is:

https://www.youtube.com/watch?v=LSNeGjD1aZs

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
.

10:30 – halfelf die oggend? Seker 22h30 of dan minstens 10:30 nm

Chris

Enige terreur aanval is ongevraagd en tragies. Ek is net jammer vir die mense wat in die voorval om gekom het. Dit is maar nog net die ore van die seekoei. Ons moes hoe lank daarmee saam leef, terwyl die einste nasie ons land verguis (bevolking) het. Die res van die Europese lande se probleme kom ook nog. Die Amerikaners met hul bravado wat die IS wil beveg. Waar is die staat? Dit is ‘n gogga wat hulle geskep het om hul oorlogsmasjien aan die gang te hou. Ons sal maar wag en sien wat gaan gebeur.

Ai

En almal se probleme is veroorsaak deur politici.

anton

Hulle en ander lande soos Duitsland wat mos die ongewensde vlugtelinge met ope arms innooi en dink hulle is polities korrek moet maar nie te hard huil as die tipe goed gebeur nie.
Wat het hulle dan anders verwag?

Sonja Smith

Hoekom word onskuldiges heeltyd ge’target’?