Een persoon is Vrydag in Michigan in Amerika dood na ʼn kettingbotsing van minstens 90 voertuie, waaronder ʼn vragmotor wat vuurwerke vervoer het.
Minstens 16 persone is na hospitale in die omgewing geneem. Altesaam 70 voertuie op die I-94-snelweg wat in ʼn westelike rigting gery het, het in mekaar vasgery en 20 voertuig in ʼn oostelike rigting.
ʼn Vragmotor wat 18 000 kg vuurwerke vervoer het, het aan die brand geslaan en die vuurwerke het ontplof.
Persone wat nie beseer is nie, is na skuilings geneem om hulle teen die koue te beskerm.
Lees meer: Detroit Free Press, CBC News, Fox 13