Die video volg onderaan die berig. ‘n Nederlandse vrou (22) wie se skedel weens ‘n beenaandoening tot 5 cm verdik het, het ‘n volledige nuwe skedel van kunsstof gekry.
Die operasie het 22 uur lank geduur. Die nuwe skedel is deur driedimensionele drukwerk vervaardig.
Die operasie in die UMC Utrecht word as ‘n wêreld-eerste beskryf.
Die nuus oor die suksesvolle operasie is nou eers bekend gemaak, drie maande na dit uitgevoer is. Volgens die verklaring deur die hospitaal is die vrou nou sonder ongerief en het reeds weer begin werk. Haar naam is ter wille van privaatheid nie bekend gemaak nie.
Bron: De Standaard