Sers. Mark Francis van die Washington-polisie het gesê ʼn gewapende man het omstreeks 19:00 Vrydagaand by Macy’s in die Cascade Mall ingestap en op inkopiegangers losgebrand. Vier vroue is doodgeskiet en ʼn man is kritiek gewond.
Die skieter het hierna te voet gevlug en die polisie was Saterdagoggend steeds op soek na hom. Volgens Francis is die motief vir die skietery nog nie bekend nie.
Die FBI het polisiebeamptes bygestaan in die soektog na die verdagte.Tari Caswell, ʼn inkopieganger, het aan die Skagit Valley Herald gesê sy was in ʼn aantrekhokkie toe sy vier skote gehoor het. “Daarna het ek nog sewe skote gehoor. Ek het net daar gebly. Dit het later stil geraak voordat ek ʼn vrou om hulp hoor skree het. ʼn Man het my en ʼn ander vrou kom haal en ons het by die winkel uitgehardloop.”
Die winkelsentrum is na die voorval ontruim.
Op 17 September het ʼn man 10 mense met ʼn mes gesteek by ʼn winkelsentrum in Minnesota, voordat hy deur ʼn polisiebeampte doodgeskiet is.
“Vermeende” skitter?
Die skietery was naby Seattle, in die staat Washington.
Dis duisende kilometer van Washington, DC.