Vlieënier dood, nog een vermis toe vegvliegtuie bots

Argieffoto van ‘n F-5E van die Switserse Lugmag (Foto: Peng Chen – Flickr via Wikimedia Commons)

ʼn Vlieënier van die Taiwannese Lugmag is dood en nog ʼn vlieënier word vermis nadat hul vegvliegtuie Maandag verdwyn het in ʼn vermoedelike botsing in die lug.

Die twee F-5E-vegvliegtuie het omstreeks 15:00 (0700 GMT) op die radar verdwyn, sowat 2,6 km van die kus van Pingtung, het die Nasionale Rampbestuursentrum gesê.

Hulle was deel van vier F-5E’s wat sowat 30 minute vroeër opgestyg het vir ʼn roetine-opleidingsoperasie, het die sentrum bygevoeg. Helikopters en skepe van die kuswag het ook by die soektog aangesluit.

Een van die vlieëniers is bewusteloos in die see gevind, maar kon nie bygebring word nie. Hy is by die hospitaal dood verklaar.

Die soektog duur voort na die tweede vlieënier.

Polisiebeamptes het bevestig hulle het ʼn sitplek met ʼn valskerm op ʼn plaaslike hoofweg gevind.

Taiwan se verouderde vegvliegtuigvloot het die afgelope paar jaar ʼn rits noodlottige ongelukke beleef. Die eiland se lugmag is deurgaans onder druk deur China.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

3 Kommentare

jongste oudste gewildste
anko

Almal is deesdae onder druk van China……………..

Tanja

China wil die wêreld oor neem