Vliegtuig doen noodlanding ná vrou van man se kullery uitvind

Argieffoto (Foto: gustavmelin0, Pixabay)

ʼn Qatar Airways-vliegtuig moes ʼn noodlanding in Chennai in Indië doen nadat ʼn vrou tydens dié vlug ʼn oproer veroorsaak het toe sy vasgestel het dat haar man haar verneuk.

Volgens die Times of India was die vrou saam met haar man en hul jong kind vanaf Doha, die hoofstad van Katar, op pad na Bali toe die voorval plaasgevind het.

Volgens die berig het die vrou haar man se selfoon glo ondersoek terwyl hy geslaap het.

“Die vrou het haar man se vinger gebruik om sy selfoon te ontsluit terwyl hy geslaap het. Sy het daarna bewyse op die selfoon gevind wat glo gewys het dat hy haar verneuk,” lui dié berig.

Die vrou, wat na bewering ook alkohol gedrink het, het haar glo “wangedra” en was volgens die berig “uiters ongeskik” met die kajuitpersoneel.

“Die situasie het handuit geruk en die vlieënier het besluit om die vlug na Chennai te herlei om sodoende ʼn noodlanding te doen.”

Die gesin van drie het by die Chennai-lughawe afgeklim waarna die vliegtuig weer na Bali vertrek het. Hulle het daarna glo weer ʼn vlug na Doha, hulle tuisstad, onderneem.

Quatar Airways wou op navraag nié kommentaar lewer oor die voorval nie en het gesê hy verkies om die passasiers se privaatheid te beskerm.

Bron: Times of India

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Von

Ja als wat jy in die donker doen sal in die lig geopenbaar word . . .
Dit kom tog uit , een of ander tyd

DS

Sy het duidelik gekry wat sy gesoek het ….

Liefie

Ag Asb Anton. Altyd n verskoning omdat n man nie homself kan gedra nie. Hy kan bly wees ek is nie sy vrou nie. Skei nooit moord verseker.

Verskonings

Ja nee kyk, die skuldiges sal ALTYD n kamtige verskoning uitdink vir hul owerspel en verneukery…dames as jou man nie voor jou sy teenkanting kan wys teen verneukery nie, en hy redeneer altyd in so situasie dat almal foute maak, en jy nie mag oordeel nie, dan is daar n rede…hy verneuk ook…dis lankal nie n foutjie nie, maar n keuse…en om te onderskei tussen reg en verkeerd is nie oordeel nie, dis wysheid – ek weet waarvan ek praat

Vinger

So sy vinger(s) het hom groot probleme veroorsaak. Hy sal sy hande maar moet tuishou.