Vliegtuig val met 157 mense aan boord

(Argieffoto)

ʼn Vliegtuig van Ethiopian Airlines met 157 mense aan boord het Sondagoggend geval kort nadat dit opgestyg het in Addis Abeba op pad na Nairobi.

Die lugredery het in ʼn verklaring gesê 149 passasiers en agt bemanningslede was aan boord van die Boeing 737 toe dit neergestort het ses minute nadat dit opgestyg het.

Die vliegtuig het om 08:38 (plaaslike tyd) opgestyg en naby Bishoftu, voorheen Debre‑Zeit, geval – sowat 50 km van Addis Abeba af.

Die lugredery sê ʼn soek-en-reddingsoperasie is tans aan die gang en ʼn dodetal of getalle van oorlewendes kan nie onmiddellik bevestig word nie. Die kantoor van die Ethiopiese eerste minister het egter reeds die regering se medelye aan die families van die mense aan boord betuig.

Dit was ook nie onmiddellik bekend wat die ongeluk veroorsaak het nie.

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
marco polo

O hel! Ek vlieg gereeld met Ethiopian en was op die punt om weer ‘n vlug na SA te boek, hulle is strate beter as SAA. Sal maar weer teruggaan na Emirates. Simpatie met naasbestaandes.

Klip in die bos

Publiseer die instandhoudingsrekord lewens het in die slag gebly. Nie goeie nuus nie.

Spyker

ek verstaan wa jy se
sopas met hulle gevlieg…was uitstekend
…beste diens ooit.

GM

@Uhmm, ek dink Marco Polo het sy punte heel duidelik gemaak.

Lex

Indien Ethiopie die beste lugredery in Afrika bedryf dan wil ek nie weet hoe die ander lugrederye in Afrika is nie.