Die foto van Huntsman is deur die polisie beskikbaar gestel
Die Salt Lake Tribune berig dat Megan Huntsman (39) Maandag in ʼn hof in Provo verskyn het en dat sy borgtog van $6 miljoen (nagenoeg R62 miljoen) toegestaan is. Huntsman se eksman het die naweek op een van die babas se lykies in sy motorhuis afgekom waarna hy die polisie ontbied het. Die polisie het die ses ander lykies in kartonbokse gevind.
Volgens die polisie was al die babas voltermyn. Een van die babas was glo ʼn stilgeboorte terwyl die ander ses glo kort na geboorte doodgemaak is en in die kartonbokse gesit is. Die polisie vermoed dat die babas oor ʼn 10 jaar periode gebore is vanaf 1996.
Die huis waar die lykies gevind is behoort aan Huntsman se eksman se ouers. Huntsman het glo in 2011 uit die huis getrek. Haar drie dogters, tussen 13 en 20 jaar oud, woon steeds in die huis. Huntsman se eksman wou glo terugtrek in die huis in en het op die een babalykie afgekom terwyl hy besig was om die motorhuis skoon te maak.
Ekt my boeglam geskrik toe ek haar gesig sien damm jys lelik hoe kan jy klein babas se lykies aan hou jy is sieklik man
Sjoe daardie gesig en oe se alles.
Hoop hulle sluit haar lewenslank toe. Sy is n monster nie n moeder nie.
Ek glo nie die vrou is baie “lekker” in die kop nie.
Sy lyk ook nie baie vars nie.
Is dit haar eie kindertjies? Maroela kan julle meer detail vir ons uitvind om dit? Dis ongelooflik hartseer en siek! Kan nie glo daar is sulke monsters daar buite nie.
Dagsê Carlie
Ons vra om verskoning dat ons nou eers reageer op jou navraag. Dit was inderdaad haar eie kinders. Sy het later aan die polisie gesê sy het ‘n dwelmprobleem en kon nie die verantwoordelikheid om die babas groot te maak, hanteer nie. Lees meer hier: http://www.huffingtonpost.com/2014/07/08/megan-huntsman-motive_n_5569079.html
Groetnis
Suné
nms Maroela Media