VSA al meer polities gepolariseerd – navorsing

Foto: Argieffoto

Foto: Argieffoto

Analiste se onlangse stellings dat die gevoelens tussen ondersteuners van die twee vernaamste politieke partye in Amerika na vyandskap aan die omsit is, blyk nie volkome verkeerd te wees nie.

In ‘n ontleding wat pas saam met die jongste Rasmussen-peilings versprei is, kom die bekende politieke ontleder prof. Alan I. Abramowitch, tot die gevolgtrekking dat ondersteuners van die twee partye, die Demokratiese Party en die Republikeinse Party, se negatiewe ingesteldheid teenoor die ander party die afgelope dekade skerp toegeneem het. Hy ontleed die data van verskeie studies om tot dié gevoltrekking te kom.

Hierteenoor het die beskouing van die eie party min of meer konstant gebly.

Abramowitch kom tot die gevolgtrekking dat hierdie toenemende afkeer aan die ander party daartoe lei dat kiesers baie meer geneig is om outomaties hul stem vir die eie party uit te bring.

Intussen het die jongste Rasmussen-peiling bevind dat net 29% van die Amerikaanse kiesers meen die VSA se beste dae lê nog voor. Dit is die laagste syfer nog. Op dieselfde dag het nog ‘n Rasmussen-peiling bevind dat net 25% van die Amerikaanse kiesers meen die VSA is in die regte rigting op koers.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae