Calvin en Zatera Spencer van Portsmouth, VSA,kan hul geluk nie glo nie na hulle in een maand meer as $2 miljoen in loteryspeletjies gewen het.
Twee weke gelede kon die egpaar ’n $1miljoen in die sak steek uit die wengeld van Powerball.
Die paartjie het op 26 Maart weer gewen toe Calvin tien kaartjies in die Pick Four aangeskaf en daarmee $50 000 losgeslaan het.
Uit hierdie wengeld het Spencer ‘n dag later ‘n kaartjie van die Cash Extravanagnza aangekoop, wat die egpaar pas nog $1 miljoen aan wengeld besorg het.
Calvin meen hulle het nog lank nie klaar gespeel nie.
Bronne: AP, The Independent
