Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Lee Hsien Loong, die premier van Singapoer (regs), ontmoet Jim Mattis, die sekretaris van verdediging in die VSA (middel), en Joseph Dunford jr., hoof van die Amerikaanse weermag (links), by die presidensiële woning in Singapoer. (AP Photo/Joseph Nair)
Boere verplant ryssaailinge in die Shanxi-provinsie in China. (Xinhua/Zhan Yan)
Gesinslede troos ʼn man terwyl hulle wag vir die liggaam van ʼn geliefde ná die tragedie wat hom by die Manila Casino in die Filippyne afgespeel het. ʼn Gewapende man het vroeg Vrydagoggend die Manila Casino binnegestorm en petrol gebruik om dobbeltafels aan die brand te steek. Tientalle mense is weens rookinaseming dood. Die verdagte het gevlug met gesteelde casino-skyfies ter waarde van meer as $2 miljoen en daarna homself in ʼn hotelkamer geskiet. (AP Photo/Aaron Favila)
David Goffin van België val ná ʼn hou in sy wedstryd teen Horacio Zeballos van Argentinië by die Franse Ope wat in Parys plaasvind. (AP Photo/Christophe Ena)
Die akrobatiese groep van die Italiaanse lugmag vlieg oor Rome ter viering van die 71ste herdenking van die stigting van die Italiaanse republiek in 1946. (AP Photo/Alessandra Tarantino)
