Die Wêreldgesondheidorganisasie het Dinsdag gewaarsku dat die aantal ebola-gevalle in Wes-Afrika elke drie weke kan verdubbel.
Die WGO het ook gesê die koste om die dodelike virus onder beheer te bring het, sedert dit in Maart geïdentifiseer is, tot ongeveer $1 miljard gestyg.
Die ongekende uitbreking het reeds die lewens van minstens 2 400 mense in Wes-Afrika geëis. Lande soos Liberië, Sierra Leone en Guinee het nog die meeste sterfgevalle aangemeld.
Pres. Barack Obama sal na verwagting Dinsdag ʼn aankondiging maak dat Amerika 3 000 soldate sal stuur om hulp te verskaf aan die lande.
Joanne Liu, president van Dokters Sonder Grense het gesê baie meer lande gaan binnekort hulp moet verleen.