‘Wit mense eerste gered in Mosambiek’, kla drukgroep

Argieffoto van Palma (Foto: John Wessels/AFP Photo)

Die drukgroep Amnesty International het Donderdag beweer dat “wit mense eerste gered is” tydens die terreuraanval op die kusdorp Palma in die noorde van Mosambiek. Swart slagoffers beweer dat selfs honde voor swart mense in die reddingshelikopter gelaai is en dat daar glo vooraf beplan is om swart mense in die hotel waar hulle skuiling gesoek het, agter te laat.

Etlike bronne wat tydens die aanval teenwoordig was, ontken dié bewerings ten sterkste.

Maroela Media het vroeër berig djihadiste militante het op 24 Maart die kusdorp Palma in die noorde van Mosambiek ingeval. Mosambiekse soldate het ʼn aanval op dié militante geloods wat veroorsaak het dat ʼn groep van ongeveer 200 onskuldige buitelanders, onder wie ʼn klomp Suid-Afrikaners, in die Amarula Palma-hotel in die dorp vasgekeer was. Van dié mense het by ʼn nabygeleë aardgasaanleg gewerk.

Sekerheidsmagte kon daarin slaag om die gestrandes met ʼn helikopter uit die hotel te red en na ʼn nabygeleë militêre kamp te neem. Ander is met bote na ʼn onbekende plek geneem.

In ʼn verslag wat uit onderhoude met 11 swart oorlewendes saamgestel is, sê Amnesty International nou dat ongeveer 20 wit kontrakteurs voor plaaslike swart mense tydens dié reddingsoperasie gered is. Hulle beweer selfs dat twee Duitse herdershonde voorkeur geniet het, deurdat hulle voor swart mense in die reddingshelikopter gelaai is en na veiligheid geneem is.

Deprose Muchena, die waghond se streekshoof vir Oos- en Suidelike Afrika, het na aanleiding van die bewerings gesê dit is kommerwekkend dat die reddingspoging op grond van ras uitgevoer is. “Om mense tydens ’n gewapende terreuraanval agter te laat bloot as gevolg van die kleur van hul vel, is rassisme,” het hy gesê.

Dyck Advisory Group (DAG), ’n private maatskappy wat gehuur is om die regering te help om die militante te beveg en wat by die reddingsoperasie betrokke was, het egter die bewerings as “verregaande” afgemaak.

Een swart oorlewende het vir Amnesty International gesê dat hy nie wou hê dat alle wit mense gered moes word nie omdat nie-witmense dan aan hul eie genade oorgelaat sou word. “Ons het gehoor hoe hulle gepraat het oor die plan om al die wit mense te red en die swart mense agter te laat,” het die oorlewende gesê.

ʼn Wit Suid-Afrikaner wat die gebeure oorleef het, Wesley Nel, het die bewerings ontken. Nel is die broer van die Suid-Afrikaner Adrian Nel wat in ʼn konflik dood is nadat hy en vyf ander buitelanders van die aanvallers probeer vlug het.

“Ek was daar. Ons was almal – swart of wit – in die steek gelaat,” het Nel op Twitter geskryf. “Maar dit was ons wit mense wat 150 plaaslike inwoners gered het deur almal daar in voertuie weg uit te jaag.”

Volgens die weermag en private sekuriteitsbronne is 12 onthoofde liggame dae ná die aanval voor die hotel gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

43 Kommentare

jongste oudste gewildste
Ja wat

Al weer die kleur kaart kan dit nie glo.Sien nou net kleur en nie wat Adrian Nel en sy mense vir hulle gedoen het.Skop ‘n mens ‘n hond wat jou oppas nee.Mense raak al siek vir die kleur kaart.

Werner

Geen probleem daarmee nie hulle het niks met die moeilikheid te doen nie.

JohanR

Lyk my in Mozambiek word reverse BEE gepraktiseer! Jammer maar in soe geval red jy wat te redde is en maak nie saak van die vel kleur, en of dit nou wit of swart is. Moes die redders eers soek in die dorp en in die bosse vir vel kleur. Hy kyk ouens daar ‘n swarte. Hy kyk ouens daars ‘n witte. Hy kyk ouens daars ‘n swart hond. Hy kyk ouens daars ‘n wit hond. Hy kyk ouens daars Cyril Ramaphosa , Nkosazana Dlamini-Zuma en Bheki Cele….los hulle maar!

oelof

Gaan kla by Malema. Hy sal hulle gou uitsort en die plek verwoes

Bernard

Die rasse kaart – deur mensies met spesiale behoeftes