WO II-bom ruk reusegat uit Autobahn

Die gat in die snelweg Foto: DPA

Die gat in die snelweg Foto: DPA

‘n Halfton bom uit die Tweede Wêreldoorlog het ʼn enorme gat uit ‘n snelweg in die Duitse deelstaat Hesse naby Frankfurt-lughawe geruk.

Bomopruimers kon nie daarin slaag om die hoogs gevaarlike bom met ‘n chemiese ontsteker onskadelik te maak nie, en dit is toe laat ontplof. Die ontploffing het ‘n gat van 20 by 25 meter en vier meter diep veroorsaak. Die verkeer het tot 20 km ver opgehoop, en sal na verwagting nog dae lank ontwrig word.

Lugverkeer op die nabygeleë lughawe van Frankfurt is ook ontwrig toe vliegtuie verhinder moes word om oor die toneel waar die bom gevind is, te vlieg om te kom land. Vliegtuie kon wel van hierdie aanloopbaan opstyg, maar in die teenoorgestelde rigting as die bom. Die aanloopbaan is teen Dinsdagaand weer vir gewone lugverkeer opgestel.

Die bom is gevind terwyl konstruksiewerk aan die lughawe gedoen is.

Geallieerde bomme wat tydens die bombardement van Duitsland afgegooi is maar nie ontplof het nie, word nog gereeld gevind. Die meeste plaaslike owerhede het spanne wat na die bomme soek en hulle onskadelik stel.

Bron: ANP, Sapa DPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.