Woede oor Coca-Cola werkers vra om ‘minder wit’ op te tree

Talle mense het woedend gereageer op die opleiding. (Argieffoto: pixabay)

Coca-Cola loop steeds deur nadat sy oënskynlike opleiding aan werkers – waarin hy hulle onder meer vra om “minder wit” te probeer optree – laat verlede week aan die groot klok gehang is.

Sosialemediagebruikers het in hulle massas uitgevaar nadat skyfies van die beweerde interne diversiteitsopleiding aanlyn gedeel is.

Talle mense het reeds aangedui dat hulle Coca-Cola weens die opleiding nou vaarwel gaan toeroep.

MailOnline berig skyfies van die opleiding het soos ʼn veldbrand versprei nadat ʼn sogenaamde fluitjieblaser wat vir die koeldrankreus werk, dit gedeel het. Talle mense beskuldig die maatskappy nou van omgekeerde rassisme en het selfs ʼn beroep op werkers gedoen om diskriminasie-sake teen Coca-Cola aanhangig te maak.

Die berig lui voorts dat die skyfies oënskynlik deel vorm van ʼn 11 minuut lange video getiteld Confronting Racism with Robin DiAngelo. DiAngelo is ʼn skrywer en konsultant en voer volgens MailOnline aan dat selfs wit mense met goeie bedoelings meedoen aan rassistiese strukture, tensy hulle aktief optree om “nie-rassisties” te wees.

Volgens een van die skyfies beteken “minder wit” onder meer om minder onderdrukkend, arrogant en selfversekerd te wees, om minder op die verdediging en oningelig te wees, nederig te wees en weg te breek van wit solidariteit.

Nog een van die skyfies voer aan navorsing wys dat kinders teen die ouderdom van drie of vier jaar oud verstaan dat dit “beter is om wit te wees”.

MailOnline berig Coca-Cola het bevestig dat hy die video op sy LinkedIn-leerplatform gelaai het, maar hou vol dit is nie deel van die maatskappy se verpligte leerplan nie.

“Ons gaan voort om na ons werkers te luister en ons leerplanne op ʼn gepaste manier te verfyn,” het die woordvoerder gesê.

Hoewel talle mense woedend was oor die inhoud, het ander die spot gedryf met Coca-Cola.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

51
Nou pra' jý

Jy moet deel van Maroela-fontein wees om kommentaar te lewer.

of word deel

49 Kommentators

51 Kommentare

jongste oudste gewildste
MakersMark

Geen probleem as die nie blanke werkers dan gevra word om asseblief “less black” te wees……

Pierre

Drink al lankal nie meer die gemors nie

Herms

CocaCola sucks. Ek drink dit nie eers nie.

Heinrich

Moes self al deur twee “diversiteit’ werkswinkels sit; altwee se boodskap was maar presies dieselfde dat ek ‘n belediging in die werksplek is vir elke persoon wat Christen\blank\’straight’\getroud is. Dan die grootbaas wat na die tyd opstaan en hulle bedank daarvoor en met ‘n reguit gesig hierdie blatante diskriminasie in die werkplek bevorder.

Matilda

Nog nooit in my lewe Coke gedrink nie! Sal sommer die ander Coca-Cola produkte ook uitsny, baie ander en gesonder opsies beskikbaar!