Zanu PF vergader glo om Mugabe te pos

Robert Mugabe (Foto: ANA)

Die Zimbabwiese regerende party, Zanu PF, se komiteevergadering het glo pas begin.

Christopher Mutsvangwa, leier van die Zimbabwiese oorlogsveterane, het Sondag aan die nuusdiens Reuters bevestig dat dié party beoog om pres. Robert Mugabe van sy amp te onthef.

Volgens Mutsvangwa gaan Emmerson Mnangagwa, die voormalige adjunkpresident wat onlangs die trekpas gekry het, as president aangestel word. Die 93-jarige Mugabe se vrou, Grace, gaan glo ook van haar rol as leier van die Zanu-PF se vroueliga onthef word.

“Ons almal beoog om Mugabe [uit sy amp te onthef],” het Mutsvangwa op pad na die vergadering gesê. “Hy probeer om te onderhandel vir ʼn waardige uittrede, maar hy moet raaksien wat besig is om te gebeur.”

Hou Maroela Media dop vir meer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Michael vd Westhuizen

Kan hy nog sien

Gus Dry

Dit sloer te lank .raak nou van hom ontslae en beweeg aan.

Johanna Botha

Wens ons het nou van zuma gepraat …hoe lank NOG met hom !

Alida

Zuma moet look and learn sy beurt kom!

Tokkie

Ek hoop die Mugabe seuns se uitspattige leefstyl sal ook nou tot n einde kom of het Grace genoeg miljoene uit die staatskoffers verkwansel om vir al die mugabes n leeftyd te hou ?