Zimbabwe dok miljoene op vir regters se pruike

Regters in Zimbabwe (Januarie 2017) (Foto: AP Photo/Tsvangirayi Mukwazhi)

Zimbabwe se regbank het £118 000 spandeer aan pruike van die Verenigde Koninkryk terwyl talle howe vervalle is en nagenoeg tweederdes van die bevolking onder die broodlyn leef.

Owerhede het onder skoot gekom vir die 64 handgemaakte perdehaarpruike van Stanley Ley Legal Outfitters in Londen teen ongeveer £1 850 elk, het die Zimbabwe Independent berig.

Die Zimbabwiese regering sukkel steeds met brandstof- en medisynetekorte aangesien die inflasiekoers die hoogste ooit is sedert 2008.

“Die toestande in Zimbabwe se howe is haglik en tog kan hulle geld iewers kry om pruike te koop,” het Arnold Tsunga van die Internasionale Kommissie van Juriste (ICJ) aan die Times gesê.

Die omstrede bestelling het ʼn debat ontketen of Zimbabwiese regters van die pruike moet ontslae raak, wat nog as ʼn oorblyfsel van die koloniale era beskou word.

“Dis verstommend dat ons in Zimbabwe ons teen kolonialisme uitspreek, maar tog bly ons nog meer koloniaal as die koloniseerders,” het Beatrice Mtetwa, ʼn prokureur gebaseer in Harare, aan die Guardian gesê. “ʼn Normale litigant sal geïntimideer word as jy in ʼn hof instap met regters wat só belaglik aangetrek is. Hoekom trek ons nie behoorlik aan nie? As ons pruike wil dra, hoekom maak ons dit nie op ons eie manier nie? Hierdie pruike is vir wit regters bedoel – ons lyk belaglik.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Melanie

Nou waar staan uncle bob? Of het sy pruik nog nie gearriveer nie?

PJ

Tipies baie koloniale gebruike word nog steeds gebruik onder hulle siestog

Dries du Toit

Belaglik siek en eenvoudig. Wonder hoeveel van die geld wat van die buiteland vir die sikloonslagoffers gekom is is vir hierdie klomp idiote se pruike gebruik

Cathi

Belaglik! Die ekonomie is vernietig daar is nie eers kos nie. Geen prioriteteite nie.

Lollie

Vir my in elk geval ń belaglik idee vir wit en swart. Waarom die pruike? Is hulle slimmer as hulle dit op het?