Zimbabwe se inflasie staan op 290%

Pres. Emmerson Mnangagwa van Zimbabwe. Foto: Mike Hutchings/Pool Photo via AP, File

Zimbabwe se inflasiekoers het 290% gehaal, die tweede hoogste in die wêreld ná Venezuela (na bewering 80 000% teen die einde van 2018), het Steve Hanke, Amerikaanse ekonoom en valutakenner, gesê.

Die inflasiekoers is in skrille kontras met die verminderde 42.09% amptelike syfer wat die Zimbabwiese nasionale statistieke-agentskap (ZimStats) in November 2018 aangemeld het.

“Zimbabwe se jaarlikse inflasiekoers vir vandag, bereken met hoëfrekwensiedata, is 290%,” het Hanke Vrydag gesê.

Inflasie word grootliks gedryf deur die tekort aan buitelandse valuta wat tot groot teenstrydighede in die wisselkoers tussen Zimbabwe se surrogaat-geldeenheid, die effektenoot, en die Amerikaanse dollar lei.

Pryse van basiese kommoditeite, soos kookolie en meel, het gestyg toe die effektenoot en die elektroniese dollar op die parallele mark ineengestort het.

Hanke beveel aan dat die effektenoot, wat hy as die “Zollar” beskryf, geskrap moet word. “As Zimbabwe versuim om die effektenoot uit die stelsel te haal, sal die ekonomie binne minder as ʼn jaar ineenstort.”

Venezuela, met die wêreld se hoogste inflasiekoers volgens Hanke, is in ʼn politieke krisis gewikkel. Daar is verskerpte pogings deur die opposisie om die sosialistiese president Nicolás Maduro uit sy amp te verwyder.

Zimbabwe het in 2008 hiperinflasie beleef toe die inflasiekoers 89.7 triljard (“sextillion” of 1021) gehaal het. Die regering moes in daardie stadium ʼn multi-geldeenheid implementeer. Die Zimbabwiese Reserwebank en ZimStats kon in daardie stadium nie meer boekhou nie en het nie verder oor inflasie berig of dit bereken nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Drieks

Malema, jou 2 lande Venezuela en Zimbabwe het jy as goeie voorbeeld aan ons oorgedra 6 of so jaar terug. Dit is presies wat jy in SA gaan veroorsaak. Word groot en gee hoop!!!

Cherokee

Inflasiekoers van 290% beteken dat pryse jaarliks verdriedubbel. Wat beteken 80 000% dan? Vergeet van 10²¹ ? Dit is buite verhouding.

Hanna Hoekom

Ten minste het hulle grond… Net jammer n mens kan nie grond eet nie! Geen simpatie.

Paul

Ek het amper kommentaar gelewer, toe besef ek, ek sit in Suid Afrika wat seker so 10 jaar , dalk 5, agter Zim is en wie is ek om klippe te gooi?

What a joke!

Ja anc eff en blf kyk mooi wat gebeur.Jul met jul sosialistiese neigings!
Ontneem,onteien,nasionaliseer en binnekort sit Suid Afrika ook met n inflasie koers soortgelyk met Zimbabwe en chaotiese wanorde op straat… aar oe wee gee die lot om??? Nee hul doen nie want hul weet nie van beter…