Zimbabwe wil wit boere vergoed

Pres. Emmerson Mnangagwa van Zimbabwe. Foto: Mike Hutchings/Pool Photo via AP, File

Die Zimbabwiese regering het Woensdag ʼn ooreenkoms met wit boere onderteken om hul VSA$3,5 miljard te betaal in vergoeding nadat hul twee dekades gelede van hul grond afgeskop is, dikwels met geweld.

Die regering het egter nie die geld nie en ʼn komitee, waarvan die boere deel is, is op die been gebring om die geld in te samel.

Ongeveer 4 000 boere het groot stukke grond verloor toe die destydse president, Robert Mugabe, ʼn chaotiese grondhervormingsprogram van stapel gestuur het. Landbougrond behoort nou aan die regering.

Ingevolge die ooreenkoms, wat by pres. Emmerson Mnangagwa se amptelike woning onderteken is, is die vergoeding nie vir die grond nie, maar vir infrastruktuur soos putte, besproeiingstoerusting en geboue. Die boere het aanvanklik meer as VSA$5 miljard geëis.

Die volle betaling sal na verwagting binne vyf jaar gedoen word, maar dit is onduidelik of die boere die geld sal ontvang gegewe dat Zimbabwe finansieel in die moeilikheid is en met groot skuld belas is. Die regering gaan glo die geld op internasionale markte leen.

Mnangagwa, wat in 2017 aan bewind gekom het, het voormalige wit boere aangemoedig om aansoek te doen vir grond. Die president het gesê die jongste verwikkelinge bring afsluiting.

Andrew Pascoe, president van die Kommersiële Boere-Unie in Zimbabwe, het die ooreenkoms verwelkom.

“Ná bykans 20 jaar van konflik oor die grondkwessie, kon verteenwoordigers van boere wat hul grond verloor het deur die hervormingsprogram en verteenwoordigers van die regering bymekaarkom om ʼn oplossing vir die konflik te kry,” het Pascoe gesê.

“Vir my is dit niks minder as ʼn wonderwerk nie; dit was vir my ʼn droom dat ek die dag sou sien.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Wondermaarnet

Volgende grappie…..

Pieter

Julle surkus is net so groot soos julle ANC broers hier in S. A

Johann

Ek dink dit sal ‘n wonderwerk wees as boere die geld kry Die land is bankrot Dit lyk meer soos ‘n verskoning on ‘n donasie erens te kry en dan net nooit die geld uit te betaal nie Hoekom kan die ou koloniale heerser nie die boere direk vergoed nie

Ou gees

Hulle kan die finansiële inspuiting van Suid Afrika, d.m.v onwettige sigarette, gebruik hiervoor. Die smouse skep geweldig pap in Zim.

Pompies55

Gaan geld seker by SA leen