‘Zimbabwiërs moenie nou grond aan wittes teruggee’

Robert Mugabe

Die EFF het Dinsdag in die lig van Robert Mugabe se bedanking as president van Zimbabwe ʼn beroep op Zimbabwiërs gedoen om nie die land se grondonteieningsprogram ongedaan te maak en die grond aan “die wit setlaargemeenskappe” terug te gee nie.

Jacob Mudenda, die speaker in die Zimbabwiese parlement, het vroeër bevestig dat die 93-jarige staatshoof bedank het. Zanu-PF het ʼn mosie ingedien om Mugabe in ʼn staat van beskuldiging te plaas, maar hy het bedank voordat die proses bekragtig kon word.

Die EFF het in ʼn verklaring Mugabe se bedanking verwelkom en gesê die party loof hom dat hy Zanu-PF se besluit om hom te skors respekteer. Mbuyiseni Quintin Ndlozi, woordvoerder van die EFF, het gesê dié besluit van Mugabe moet egter nie ʼn verandering aan die land se omstrede grondonteieningsprogram teweegbring nie. “Dit is die een nalatenskap [van Mugabe] wat ten alle koste bevorder en beskerm moet word,” het Ndlozi gesê.

“Ons sê dit omdat ons weet dat sommige die bedanking van pres. Mugabe vier in die hoop dat hierdie belangrike rewolusionêre aanwins ondermyn sal word. Dit is die verpligting van alle pan-Afrikaniste om die voordele van dekolonialisering in Zimbabwe te beskerm.”

Ndlozi het gesê die grond in Zimbabwe moet nou gebruik word om die Zimbabwiese mense te bevoordeel en die ekonomie van die land te herstel as die broodmandjie van Afrika.

Die DA het Mugabe se bedanking beskryf as ʼn “oorwinning vir die mense van Zimbabwe wat die afgelope jare erg onder Mugabe se bewind gely het”.

“Mugabe wat eens ʼn bevryder was, het verdeeldheid, onstabiliteit en ekonomiese verwoesting in Zimbabwe begin saai namate hy die betreurenswaardige oorgang van bevryder na diktator gemaak het,” het Mmusi Maimane, leier van die DA, in ʼn verklaring gesê.

Maimane het gesê Mugabe se bedanking is die eerste stap na ʼn nuwe begin vir Zimbabwe, maar dit is nie ʼn towerspel wat die land sommer net so sal regruk nie. “Mugabe mag dalk weg wees, maar die regerende Zanu-PF bly agter. Soos die geval is met bevrydingsbewegings oor die kontinent, het Zanu-PF niks meer geword nie as ʼn beskermingsnetwerk wat gewikkel is in ʼn stryd oor toegang tot mag en staatshulpbronne vir dié wat politieke bande het.

“Dit is ook duidelik uit die gespanne situasie die afgelope paar dae dat Mugabe nie vrywillig van sy mag afstand gedoen het nie, maar gedwing is.” Maimane het gesê Zanu-PF is medepligtig aan elke besluit van die Mugabe-regime en kan nie vertrou word om ʼn nuwe begin vir Zimbabwe te bewerkstellig nie.

Volgens Maimane is die enigste pad vorentoe vir Zimbabwe om onmiddellik ʼn vry en regverdige verkiesing te hou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

76 Kommentare

jongste oudste gewildste
Hannes

Julius kan mos Zim toe gaan, min blanke boere en die land is klaar in sy maai, perfek vir hom om op te bou. Of….hou die geld hom in SA.

Yster

Kan jy glo dat so min wit boere vir so baie bekommernis kan sorg. Besef die EFF dan nie dat wit boere gesorg het vir Zim se broodmandjie nie . Om Zim weer te laat werk HET julle goeie boere nodig. Kom nou EFF julle praat mos teen julle beter wete.

pieter

Shame EFF dis omdat die wit boere nie meer daar is nie dat die mense doodgaan vd hongerte want hulle weet niks van boerdery af nie. Lekker klappe op julle oe.

CE

Los tog Zim uit om hulle eie besluite te neem! Hulle was jare ondermyn.

Ekke

Is dit dan apartheid??? Verdeel dan die land in verskillende kleure.as almal nie saam mag bly nie.dan is dit mos apartheid??? Of is ek verkeerd???