ʼn Werker is Dinsdagoggend ernstig beseer ná ʼn vuuroond by ʼn fabriek in Germiston, Gauteng, ontplof het.
Volgens Jeffrey Wicks, ʼn woordvoerder van Netcare911, is dit nog nie bekend wat die ontploffing veroorsaak het nie, maar word daar vermoed dat ʼn onbekende voorwerp in die oond geplaas is.
“Die man het naby die oond gewerk toe dit ontplof het. Hy het ernstige brandwonde aan sy gesig, bors en arms opgedoen. Hy is op die toneel gestabiliseer en met ʼn ambulans na die Netcare Union-hospitaal geneem,” het Wicks gesê.
Die departement van arbeid ondersoek die voorval.
Is die man ok, en mag ek weet by watter fabriek dit gebeur het asseblief.