ʼn Voorgestelde windplaas het die groen lig van Wes-Kaapse omgewingsowerhede gekry.
Die provinsie se departement van omgewingsake en ontwikkelingsbeplanning het bevind dat die plaas naby Wolseley nie teenstrydig is met omgewingswetgewing nie, het die Cape Times Donderdag berig.
Mich Nieuwoudt, SAGIT Energy Ventures se direkteur, het aan die koerant gesê die volgende stap is nou om sy tender deur die nasionale departement van energie in die volgende ronde van hernubare energie-tenders in Augustus, goedgekeur te kry.
Die 90MW windplaas met 30 tribunes word beplan vir die Breederivier Vallei tussen Wolseley en Worcester. Die plaas sal nagenoeg 70% van die Witzenberg-munisipaliteit se elektrisiteittoevoer voorsien.
Die provinsie ontvang tans die meeste van sy elektrisiteit van Mpumalanga, sowat 1600km daarvandaan, en ‘n beduidende hoeveelheid daarvan raak verlore as dit oorgedra word.
– Sapa