Wes-Rand dalk nog tot Vrydag sonder krag

Kabeldiefstal is glo die oorsaak dat sekere gebiede in die Wes-Rand sedert Saterdag sonder elektrisiteitstoevoer is.

Die Citizen het Dinsdag berig dit kan vier of vyf dae neem om die skade te herstel.

Gebiede wat tans deur die probleem geraak word, sluit Industria-Noord, Delarey, White Ridge, Florida Glen, Bergbron, Quellerina en Northcliff in.

Volgens Louis Pieterse, die woordvoerder van City Power, is 33,000 volt kabels by die Flordia Glen-substasie gesteel. “Die diefstal het veroorsaak dat olie uit die oorblywende kabels gevloei het. Dit veroorsaak dat ʼn skakelaar die heeltyd by die substasie afgaan,” het Pieterse gesê. Volgens Pieterse moet al die olie terug in die kabels gepomp word, en onder die regte druk geplaas word, voor die substasie weer aangeskakel kan word.

– Sapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae