Mense moet versigtig wees by die St Francis Bay-kuslyn in die Oos-Kaap waar ʼn wit haai opgemerk is, het die Nasionale Seereddingsinstituut (NSRI) Vrydag gesê.
Die haai, wat glo vyf meter lank is, is al die afgelope paar dae langs die kus, het woordvoerder Craig Lambinon in ʼn verklaring gesê. Visvanglisensies vir haaie wat glo deur owerhede in die gebied uitgereik is, is moontlik die rede waarom meer haaie langs die kus aangetref word, het hy gesê.