Wit plaasarbeiders vir minder as minimum loon aangestel

Werklose wit mans het nou die geleentheid om as arbeiders op plase aangestel te word teen veel minder as die minimum loon – indien hulle bereid is om te werk.

Nadat Mildred Oliphant, minister van landbou, verlede week aangekondig het dat die minimum loon vir plaaswerkers vanaf 1 Maart sal styg na R105, het ʼn boer van Limpopo besluit om ʼn plan te maak. Die boer, wat anoniem wil bly, het kontak gemaak met ʼn paar ander boere van reg oor die land wat met die hande in die hare is omdat hulle nie die nuwe loon vir plaaswerkers kan bekostig nie. Daarna het hy ʼn advertensie op Facebook geplaas, waarin hy wit mans en vroue nooi om aansoek te doen vir werk op plase, wat “verblyf en ander voordele” insluit.

Volgens die boer is hulle binne enkele dae, en met net ʼn advertensie op Facebook, oorval met aansoeke. “Meer as 500 aansoeke is ontvang,” het hy gesê. “Dit lyk of ons dit gaan regkry om sowat 100 van hierdie mense op plase reg oor die land te plaas. Al hierdie mense is bereid om vir heelwat minder as die minimum loon te werk.”

Dié projek was bloot ʼn eksperiment, sê hy, en hulle het glad nie verwag om soveel reaksie te kry nie. Die advertensie was veral gerig op mans in wit plakkerskampe wat graag ʼn inkomste wil verdien.

“Ons het hierdie keer slegs mans aangestel,” het hy gesê. “Indien ons voortgaan met die projek en weer adverteer, sal ons probeer om vroue en kinders saam met die mans na plase te verskuif. Ons wil nie graag gesinne van mekaar skei nie.”

In reaksie op die aankondiging dat die minimum loon vir plaaswerkers na R105 styg, het Agri SA en TLU SA verklarings uitgereik wat daarop dui dat tot sowat 100 000 plaaswerkers hul werk, wat dikwels behuising insluit, kan verloor.

Susan Lombaard

Meer oor die skrywer: Susan Lombaard

Susan Lombaard is die uitvoerende hoof van Maroela Media.

Deel van: Nuus, SA-nuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Leonard Welthagen

Hou my asb op hoogte as julle die poste adverteer, ek het ‘n klomp werklose ouers by my wat dringend werk soek.

Elize Beukes

Dis wonderlike nuus – hou ons op hoogte sodra inligting beskikbaar is

Martie van Graan

Dit is fantasties, ek hoop hulle behou hulle werke, baie mooi mense dit moes al lankal al gebeur het.

Gawie

Die mense op facebook het dit vir ‘n “hoax” aangesien. Dankie Susan vir die ondersoek. Ek gaan jou vra om my te help om ‘n ware bedrogspul oop te vlek. Hou jou posbus dop!

BEN WEPENER

Maak soos in Israel, begin met die Kibboets Stelsel….