Woede oor TV-aanbieder wat leeu jag in SA

Dié foto wat Bachman op Facebook en Twitter gelaai het, het 'n herrie op sosiale netwerke veroorsaak.

Dié foto wat Bachman op Facebook en Twitter gelaai het, het ‘n herrie op sosiale netwerke veroorsaak.

ʼn Aanlynpetisie wat die Suid-Afrikaanse regering versoek om Melissa Bachman, ʼn Amerikaanse TV-aanbieder en jagter, te verbied om weer na Suid-Afrika te kom, is reeds deur meer as 77 000 mense onderteken.

Bachman het ʼn foto van haarself op die sosiale netwerke Facebook en Twitter geplaas nadat sy ʼn leeumannetjie doodgeskiet het. Maroela Media verneem die jag het op ʼn plaas buite Zeerust in Noordwes plaasgevind. Die foto het tot woede onder gebruikers van sosiale netwerke gelei. Elan Burman, ʼn inwoner van Kaapstad, het kort hierna ʼn petisie begin op die webtuiste www.change.org. Die petisie is onder meer gerig aan die departement van binnelandse sake en die minister van omgewingsake en eis dat Bachman verban word om Suid-Afrika weer te besoek. Richard Robinson van Maryland in die VSA, een van die ondertekenaars van die petisie, skryf: “Jy, dame, is wat fout is met die wêreld. Vat sonder enige gevolge. Skiet, moor, verbruik, vernietig. Jy het nie ʼn leeu doodgemaak nie, jy het agter ʼn masjien gestaan en ʼn klein sneller getrek, jou patetiese, hartseer verskoning van ʼn mens.”

Bachman het na die geweldige reaksie op haar foto haar Facebook- en Twitter-profiele gesluit. Bachman is bekend as ʼn ywerige jagter. Op haar webtuiste is daar onder meer foto’s van haar met ʼn krokodil, ʼn sebra, ʼn beer en ʼn takbok wat sy gejag het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Monique

PATETIES!!!! Jag as jy hom kan eet! Mar jag vir n ”trofee”? NEE SIES!

leon

More Monique, hulle kom van oorsee om hier te kom moor nes Dewani. Pateties verby

Tokkie

Elan Burman moet bykom. Jag is wettig in Suid-Afrika. As dit hom so pla laat hy dan liewer ‘n petisie opstel teen die regering wat dit toelaat.

Rudi du Plessis

Lions are one of the big 5 that really breed well in captivity. My sentiments are that why can the death of 1 not care for the other…? This farm where the hunt took place on might with the income generated from this 1 lion care for 50-100 species more, that would not be possible if this lion was just killed, like for instance poaching but it was done in controlled environment and generated income. Lions are not even remotely on the list to be extinct. Why don’t we use our meagre resources and our efforts to help the rhino’s… Lees meer »

D

Ok, ek stem saam dat dit nie reg is om te skiet wat jy nie gaan eet nie, en slegs vir die troffee, maar rerig, ‘n petisie teen een persoon om verban te word uit ons land, terwyl daar honderde Suid Afrikaners is wat elke jaar dieselfde doen in hul eie land, wat diere uit moor net om ‘n foto of troffee op hul muur te kan hang? Is dit nie bietjie drasties nie?