Woolworths in Rustenburg loop deur

Argieffoto

Die Woolworths in Rustenburg was glo ʼn teiken van ‘n protesaksie nadat ʼn beroep op sosiale netwerke gedoen is om waentjies “vol kruideniersware en kos te maak en dit dan net so op die vloer te laat”.

Woolworths word sedert Dinsdag oor die kole gehaal oor poste-advertensies met duidelike rassekriteria ter uitsluiting van sommiges. Woolworths adverteer poste, wat uitsluitlik vir “swart Afrikane” of slegs “Afrikane, kleurlinge en Indiërs” oop is.

Die volgende versoek doen die rondte in die kuberruimte: “Gaan pak julle  waentjies VOL kruideniersware by Woolworths en los dit dan net so op die vloer … Pak sommer al die goed in wat jy in elk geval nie kan bekostig nie ;))) Dis hoeka amper naweek! Lekker “shop”!” [sic]

ʼn Inwoner van Rustenburg het Donderdag op Facebook geskryf: “Mense, ons was nounet by Woolworths in die Mall Rustenburg. Ek kon nie ʼn leë trollie kry nie want almal staan vol klere en kruideniers die hele winkel vol en buite, die sekuriteit het ‘banner tape’ gespan sodat die goed nie gesteel word wat buite in die trollies staan nie. Jy sien, hierdie rassiste moenie met ons boere lol nie. O ja, daar is nie kliente wat koop binne die winkel nie, net die personeel. Rustenburgers, dit wil gedoen wees!!! Do so voort, net jammer daar was nie vir my ʼn trollie nie.” [sic]

Woolworths het intussen in ʼn verklaring gesê hulle is nie rassisties nie en sal aanhou om mense van alle rasse aan te stel. “Woolworths word deur die Wet op Billike Indiensneming verplig om ’n werksmag te hê wat saamgestel is op grond van ras, geslag en gestremdheid,” lui die verklaring.

“Soos alle Suid-Afrikaanse maatskappye het Woolworths ’n rol te speel in transformasie. Daarom is sommige poste vir aangewese groepe.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Len Buchner

Ons is al 18 jaar in n demokratiese S.A, maar steeds word blankes geminag en agterwee gelaat. Woolworths sal ons nooit weer sien nie !!!!!!

Alana Muir

Dis hoog tyd dat sg. verantwoordelike kleinhandelaars besef dat dit moreel verkeerd is om die oorblywende armlastige blankes te gebruik om hulle winste op te jaag en terselfdertyd rassisties op te tree – waar moet ons mense werk kry as niemand vir hulle wil werk gee nie, hoe moet ons “agtergeblewe” blankes wat in die land oorbly aanhou oorleef? As julle ons geld vat moet julle vir ons help sorg ook, dis hoe maklik dit is.

David Martens

Dit is nie genoeg dat net een tak (Rustenburg) geteiken word nie. Dit moet by al die takke – dwarsoor die land gedoen word. Dit moet ook dien ter waarskuwing van al die ander kettingroepe om realisties te wees – en nie net anderskleuriges op die winkelvloer hê nie.
Meer as ooit het ek besluit: my geld praat Afrikaans. Boere-Afrikaans.

Ondersteun ons eie – gaan koop vrugte, groente, vars vleis en wat ookal van jul plaaslike boeremakte. As almal dit doen, kry ons die boer en die verbruiker nader aan mekaar en sny die duur middelman (meesal Engelse) uit.

Awie

Ek stem saam David, ons het te lank stil gesit…. Al die dorpe moet nou saamstaan. Kyk hoe vrot is die water in Witbank en Lydenburg. ONS is die mense wat die land opgebou het en ons Vaders… Woolworths het lank daarna eers bygekom… Julle KAN dit doen mense!!!!!

Neels Mostert

Vive le Revolution! Dit is tyd mense! Dit is tyd dat ons hierdie land tot op sy knieë druk en vir die wereld wys dat niemand met ons mors nie!